گت صفحه
هفتگی بنویشته
تانگو گِیموُرکز اتا جاپونی ویدئوکا ساجِ کومپانی هسّه که ونه مَقِر توکيو دره، مارچ ما ۲۰۱۰ گدر شینجی میکامی که پیش تِر کپکام کومپانی و سّه کار کرده وره تاسیس هاکرده، ۲۰۱۰ اکتبر مایِ گدر اتی مالی مشکلات وشون سر دکته و زِنیمکس مدیا، کومپانی ره صاب بیّه.
تانگو، سروایول هارر کائون؛ دِ ایوُل ویزن، دِ ایوُل ویزن ۲، اکشن-ادونچز کا: گوستوایز: توکیو، و رایم-بیسد اکشن کا: های-راش ره بساتنه. تانگویِ پِرماری کومپانی زنیمکس مدیا مارچ ما یِ ۲۰۲۱ گدر مایکروسافت (Microsoft) جا بَخری بیّه، اینتی تانگو اولین جاپونی استودیوئی بیّه که مایکروسافتِ کاساجییِ پورتفولیو ره دله بموئه.
شینجی میکامی ۱۹۸۹ گدر به یور کپکام کومپانی پلی دیّه، ونه چن تا فرانچایزئون سر کایری کرده و اتا ترسناک (هارِر) ویدئوکائون سری که ونه نوم رِزِدِنت ایوُل (Resident Evil) بییه ره دِرِس هاکرده. توم که یور بورده، کپکام کومپانی میکامی وسه پِر گت بَی بییه و و هم خاسته که دیر کائون که ترسناک نَوِّن بسات هاکنه. اَتی بگذشته، وه آزاد شییه کومپانیئون جه کایری کِرده، بستینکلا؛ پلانتینیومگیمز (PlatinumGames) کومپانی وسّه وَنکوئِش (Vanquish) ره کارگردونی هاکرده و گرسهاپر منیوفکچر (Grasshopper Manufacture) وسه اتا اکشن-هارِر کا که ونه نوم شَدُوز آو دمند (Shadows of the Damned) بییه ره تهیهکَری هاکرده. سگا (Sega) چن کَش اتا ترسناک کا بساتنه وسّه وره پیغوم هدائه اما وه رد هاکرده. ۱ مارچ ما ۲۰۱۰ سال، میکامی کا ونه سن ۴۴ ره برسی بییه و تا ۱۲ کاساجِ دیر تانگو ره توکیویِ اودیبا دله تاسیس هاکردنه و میکامی شه کاری دفترِ کوچ ره اوساکا جه بورده اونجه. می ما ۲۰۱۰ گدر، شیگنوری دیشاکاوا ما پلنتینیومگیمزِ وسّه مَدوُرلد (MadWorld) ره کارگردونی هاکرد بییه کومپانی ره ملحق بیّه. تانگو، ات دقسی چن تا پروژهی کارِ ره شروع هاکرده، اتا کچیک تیمِ جا وشون ۶ مایِ سر اتا جوکِ کایِ سر کار هاکردنه کا اینتی بییه که اتا تَسوک دره و شه دِتا لینگ سر اِس هاکرده و شاتگان (اتّه جور تِفِنگ) جه گِلیله دَر کِنّه...
دمباله تلمبار هوجیبئی
هفتگی عکس
طلعت بابلی یا طلعت بصاری اتا بابلی زِنا بییه که سال ۱۳۰۲ این شهر دله دنیا بموئه و فارسی ادبیات و زوون رشته دله درس بخوندسته و آخرسری شه رساله ره هم «مازرون تاریخ و تبری لهجه» خَوِری بنویشته.
امروز واری روز
امروز چارشمبه، ۳ ژوئیه ۲۰۲۴ میلادی برابر ۱۱ نوروزه ما ۱۵۳۵ تبری هسته.
امروز:
- ۸۳۹ - مازیار تبرستون ِاسپهبد که کارنوندیون سلسله جه بییه (نقشه دله)، شه برار (کوهیار) ِخیانت په دستگیر بیّه و وه ره بَوردنه سامرا و اتخله شکنجه په معتصم، عباسیون ِخلیفه، وه ره بکاشته.
- ۱۸۸۳ -فرانتس کافکا، اتریشِ مشهورِ نویسنده دنیا بموئه.
- ۱۹۰۴ - هرتزل اتریشی روزنومهنویس، نویسنده و صهیونیسم ِسازنده، بمرده.
- ۱۹۳۵ - آندره سیتروئن سیتروئن ماشینون مخترع ۵۷ سالگی گادِر، سرطان ِجه بمرده.
- ۱۹۶۴ - آمریکا دله قانون بییشتنه که ننشنه اسپهئون و سیاهون ره سِوا هاکردن.
- ۲۰۰۴ - مارلون براندو آمریکایی بازیگر، لس آنجلس دله بمرده.
- ۲۰۱۳ - محمد مرسی، مصر ِتنها غیرنظامی ِرییسجمهور که عربی بهار په اتا رایگیری دله رییسجمهور بَیبییه، اتا کودتا په دستگیر بیّه و عبدالفتاح السیسی ونه جا ره بَییته.
روز بعد: ۴ ژوئیه – روز قبل ۲ ژوئیه
خـَوِرون
- ابراهیم رئیسی دکته اتا دکتی سر بمرده. (عکس ونه شنه) إسا ونه جاسر هنیشتن وسه انتخابات دینگونه که مسعود پزشکیان و سعید جلیلی میون، اینصوه اتا رییسجمهور وونه.
- سوادکوه ره لاهیز بمو و خله مردم و بنائون ره صدمه بخرده.
- ژولین آسانژ که ویکیلیکس دله محرمانه سند تنک هاکرد بییه، زندون جه رها بیه.
- هىند دله نارندرا مودی قدرت ره حفظ هاکرده و نخستوزیر بمونسته.