گت صفحه
هفتگی بنویشته
تانگو گِیموُرکز اتا جاپونی ویدئوکا ساجِ کومپانی هسّه که ونه مَقِر توکيو دره، مارچ ما ۲۰۱۰ گدر شینجی میکامی که پیش تِر کپکام کومپانی و سّه کار کرده وره تاسیس هاکرده، ۲۰۱۰ اکتبر مایِ گدر اتی مالی مشکلات وشون سر دکته و زِنیمکس مدیا، کومپانی ره صاب بیّه.
تانگو، سروایول هارر کائون؛ دِ ایوُل ویزن، دِ ایوُل ویزن ۲، اکشن-ادونچز کا: گوستوایز: توکیو، و رایم-بیسد اکشن کا: های-راش ره بساتنه. تانگویِ پِرماری کومپانی زنیمکس مدیا مارچ ما یِ ۲۰۲۱ گدر مایکروسافت (Microsoft) جا بَخری بیّه، اینتی تانگو اولین جاپونی استودیوئی بیّه که مایکروسافتِ کاساجییِ پورتفولیو ره دله بموئه.
شینجی میکامی ۱۹۸۹ گدر به یور کپکام کومپانی پلی دیّه، ونه چن تا فرانچایزئون سر کایری کرده و اتا ترسناک (هارِر) ویدئوکائون سری که ونه نوم رِزِدِنت ایوُل (Resident Evil) بییه ره دِرِس هاکرده. توم که یور بورده، کپکام کومپانی میکامی وسه پِر گت بَی بییه و و هم خاسته که دیر کائون که ترسناک نَوِّن بسات هاکنه. اَتی بگذشته، وه آزاد شییه کومپانیئون جه کایری کِرده، بستینکلا؛ پلانتینیومگیمز (PlatinumGames) کومپانی وسّه وَنکوئِش (Vanquish) ره کارگردونی هاکرده و گرسهاپر منیوفکچر (Grasshopper Manufacture) وسه اتا اکشن-هارِر کا که ونه نوم شَدُوز آو دمند (Shadows of the Damned) بییه ره تهیهکَری هاکرده. سگا (Sega) چن کَش اتا ترسناک کا بساتنه وسّه وره پیغوم هدائه اما وه رد هاکرده. ۱ مارچ ما ۲۰۱۰ سال، میکامی کا ونه سن ۴۴ ره برسی بییه و تا ۱۲ کاساجِ دیر تانگو ره توکیویِ اودیبا دله تاسیس هاکردنه و میکامی شه کاری دفترِ کوچ ره اوساکا جه بورده اونجه. می ما ۲۰۱۰ گدر، شیگنوری دیشاکاوا ما پلنتینیومگیمزِ وسّه مَدوُرلد (MadWorld) ره کارگردونی هاکرد بییه کومپانی ره ملحق بیّه. تانگو، ات دقسی چن تا پروژهی کارِ ره شروع هاکرده، اتا کچیک تیمِ جا وشون ۶ مایِ سر اتا جوکِ کایِ سر کار هاکردنه کا اینتی بییه که اتا تَسوک دره و شه دِتا لینگ سر اِس هاکرده و شاتگان (اتّه جور تِفِنگ) جه گِلیله دَر کِنّه...
دمباله تلمبار هوجیبئی
امروز واری روز
امروز شمبه، ۲۹ ژوئن ۲۰۲۴ میلادی برابر ۷ نوروزه ما ۱۵۳۵ تبری هسته.
امروز:
- ۵۹۰ پیش از میلاد - دنیای ِاولین سامونسَری ِقرارداد ره ماد و لیدی، «بییشتن هلیس ِدرکا» سَر امضا هاکردنه.
- ۱۹۰۰ - آنتوان دو سنتاگزوپری (عکس دله)، فرانسوی نویسنده، لیون دله دنیا بموئه.
- ۱۹۲۹ - اوریانا فالاچی، ایتالیایی روزنومهنویس و نویسنده، فلورانس دله دنیا بموئه.
- ۱۹۴۹ - جنوبی آفریقای ِآپارتاید حکومت، ازدواج هاکردن دِتا زنا و مردی که دِتا مختلف نژاد جه بوئن ره، ممنوع اعلام هاکرده.
- ۲۰۱۴ - عراق و شام ِاسلامی دولت (= داعش) رسماً اعلام موجودیت هاکرده ولی هیچ کشوری وه ره برسمیت نشناسییه.
خـَوِرون
- ابراهیم رئیسی دکته اتا دکتی سر بمرده. (عکس ونه شنه) إسا ونه جاسر هنیشتن وسه انتخابات دینگونه که مسعود پزشکیان و سعید جلیلی میون، اینصوه اتا رییسجمهور وونه.
- سوادکوه ره لاهیز بمو و خله مردم و بنائون ره صدمه بخرده.
- ژولین آسانژ که ویکیلیکس دله محرمانه سند تنک هاکرد بییه، زندون جه رها بیه.
- هىند دله نارندرا مودی قدرت ره حفظ هاکرده و نخستوزیر بمونسته.