Haaptsäit

Den Éisträicheschen Ierffollegkrich ass 1740 nom Doud vum Keeser Karl VI. ausgebrach, an huet bis 1748 gedauert.

Am Joer 1740 war et mam Doud vun zwéi groussen Herrscher eriwwer mam Gläichgewiicht an Europa. Nom Doud vum Friedrich Wilhelm I. vu Preise goung d'Kroun u säi Bouf, de Friedrich II., deemools 28 Joer jonk, deen de Ruff vun engem "Bel Esprit" hat, a sech haaptsächlech mat Museker, Philosophen a Poeten ofginn huet, also als "ongeféierlech" gegollt huet. Den Doud vum Keeser Karl VI. war do scho méi problematesch. D'Pragmatesch Sanktioun, duerch déi seng Duechter Maria Theresia sollt d'Territoiren vun der Monarchie ierwen, gouf net vun allen europäeschen Herrscher unerkannt. De gréisste Problem war net, wat si ierwe sollt, mä wien alles dovu profitéiere géif. Bestuet war d'Maria Theresia nämlech mam François III. vu Loutrengen, an duerch d'Ierfschaft hat dësen eng Chance zum Keeser gewielt ze ginn. Fir Frankräich hätt dat d'Habsburger als direkt Nopere bedeit, wat et op kee Fall wollt. Doriwwer eraus haten de Friedrich vu Preisen an de Karl Albrecht, Kurfürst vu Bayern, hir eege Meenunge wéi den Territoire am beschte kéint opgedeelt ginn.

Dem Friedrich II. säin Ugrëff op Schlesien am Dezember 1740 huet de Krich provozéiert. De jonke Kinnek vu Preisen huet de Moment ausgenotzt fir seng eege Lännereien op Käschte vun Éisträich ze vergréisseren, dat duerch d'Ierffolleggedeessems geschwächt war... > méi

• ... déi kasachesch Haaptstad bannent manner wéi 7 Joerzéngte sechsmol den Numm gewiesselt huet?

• ... den Asteroid (255019) Fleurmaxwell no der Lëtzebuerger Äiskonschtleeferin Fleur Maxwell benannt gouf?

• ... d'Kierchtierm vun der 1858 gebauter Kierch St. Alphonse ("Paterekierch") an der Stad Lëtzebuerg, sou niddreg sinn, well se no bei der Festungsmauer stoungen a soss eng giedeleg Zilscheif gi wieren, wa se méi héich gewiescht wieren?

• ... d'Tranchée de Caster an der Belsch e 65 Meter déiwen Aschnëtt an d'Montagne Saint-Pierre ass, déi tëscht 1930 an 1933 fir den Albertkanal ugeluecht gouf?

• ... "Luxemburg" gläich dräi Uertschaften an de Vereenegte Staaten heeschen?

• 1704: Déi éischt Nummer vun der éischter zu Lëtzebuerg gedréckter Zeitung, La Clef du cabinet des princes de l'Europe, kënnt eraus.
• 1916: Éischte Weltkrich: Ufank vun der Somme-Schluecht, wou den éischten Dag Zéngdausende vu britteschen Zaldoten ëm d'Liewe kommen.
• 1937: Irland erkläert sech zur Republik.
• 1967: Den obligatoresche Militärdéngscht gëtt zu Lëtzebuerg ofgeschaaft.
• 1988: De Centre national de l'audiovisuel zu Diddeleng mécht seng Diere fir de Public op.
• 1997: Hongkong geet u China zeréck.
• 2013: Kroatie gëtt den 28. Memberstaat vun der Europäescher Unioun.
• 2023: Déi aktuell Lëtzebuerger Verfassung trëtt a Kraaft.

• 24. Juni: Guido Schiltz, lëtzebuergeschen Offizéier.
• 20. Juni: Donald Sutherland, kanadesche Schauspiller.
• 18. Juni: Anouk Aimée, franséisch Schauspillerin.
• 11. Juni: Françoise Hardy, franséisch Sängerin.
• 09. Juni: Edward C. Stone, US-amerikanesche Physiker.