پیرس فرانس کا دار الحکومت اور سب سے زیادہ آبادی والا شہر ہے، 2023ء کے تخمینہ آبادی کے مطابق اس میں 2,102,650 رہائشی تھے جو اس کے رقبہ 105 کلومیٹر (41 مربع میل) سے زیادہ کے علاقے میں تھے، جو اسے 2022ء میں اسے دنیا کا 30 واں سب سے زیادہ گنجان آباد شہر بناتا ہے۔سترہویں صدی سے پیرس دنیا کے مالیاتی، سفارت کاری، تجارت، فیشن، فن طباخی اور سائنس کے دنیا کے بڑے مراکز میں سے ایک رہا ہے۔ فنون اور سائنسی علوم میں اس کے اہم کردار کے ساتھ ساتھ شارعی روشنیوں کے اس کے ابتدائی نظام کی وجہ سے انیسویں صدی میں اسے "روشنیوں کا شہر" کہا جانے لگا۔ جنگ عظیم دوم سے پہلے لندن کی طرح، اسے کبھی کبھی دنیا کا دار الحکومت بھی کہا جاتا تھا۔

پیرس کا شہر پیرس علاقہ یا ایل-دو-فرانس علاقے کا مرکز ہے۔ 2023ء میں 12,271,794 کی تخمینہ شدہ آبادی کے ساتھ یہ فرانس کی آبادی کا تقریباً 19% ہے۔ پیرس علاقے کی 2021ء میں خام ملکی پیداوار 765 بلین یورو تھی، جو یورپ میں سب سے زیادہ ہے۔ اکانومسٹ انٹیلی جنس یونٹ ورلڈ وائیڈ کاسٹ آف لیونگ سروے کے مطابق 2022ء میں پیرس دنیا میں نویں سب سے زیادہ لاگت کے ساتھ رہنے والا شہر تھا۔

آج: پير، 1 جولا‎ئی 2024 عیسوی بمطابق 23 ذوالحجہ 1445 ہجری (م ع و)

واقعات

• 1960ء - گھانا ایک جمہوریہ بن گیا۔
• 1962ء - روانڈا اور برونڈی کی آزادی دونوں ملک آزاد ہوئے۔
• 2023ء - بھارت کی ریاست مہاراشٹر میں ایک خوفناک بس حادثے میں 26 افراد ہلاک ہو گئے۔

ولادت

• 1918ء - کرم شاہ الازہری (تصویر میں)، فقہ حنفی کے اسلامی اسکالر، صوفی اور مسلم رہنما
• 1929ء - گیرالڈ ایڈر مین، امریکی ماہر حیاتیات اور نوبل انعام یافتہ
• 1949ء - وینکائیا نائیڈو، بھارتی سابق وزیر اور نائب صدر

وفات

• 1736ء - احمد ثالث، سلطان سلطنت عثمانیہ
• 1839ء - محمود ثانی، سلطان سلطنت عثمانیہ
• 1971ء - ولیم لارنس براگ، برطانیہ کے طبیعیات دان اور نوبل انعام یافتہ