Nieuport 17

Die Nieuport 17 is 'n Franse dubbeldekker vegvliegtuig wat in die Eerste Wêreldoorlog gebruik is. Die vliegtuig is ontwikkel uit die Nieuport 11 en het sy nooiensvlug in Januarie 1916 voltooi. Dit is in Mei 1916 aan die wesfront ontplooi. Dit was aansienlik beter as die Nieuport 11 met 'n kragtiger motor, langer vlerke en die hele romp is versterk. Eers was dit toegerus met die Le Rhône 100 perdekrag motor en was later toegerus met die Clerget 9B 130 perdekrag motor. Die gevolg was 'n vliegtuig was uiters beweeglik was, 'n hoë snelheid kon behaal en baie goed kon klim. Dit was makliker om die boonste masjiengeweer te laai omrede die Foster-meganisme gebruik was om dit aan die boonste vlerk te monteer. Die vlieënier kon dit herlaai terwyl hy reguit en gelyk vlieg.

Nieuport 17
Tipe	Vegvliegtuig
Vervaardiger	Nieuport
Nooiensvlug	Januarie 1916
Bekendstelling	Maart 1916
Hoofgebruikers	Franse Lugmag Britse Lugmag Russiese Lugmag
Ontwikkel van	Nieuport 11

Die Duitsers het die vliegtuig net so gekopieer en dit die Siemens-Schuckert D1 genoem. Bobaasvlieëniers soos René Fonck, Georges Guynemer, Charles Nungesser, Albert Ball en Billy Bishop het die vliegtuig gebruik.