Vikipediya:Fayl yükləmə üsulları
Wikimedia Commonsa fayl yükləmək üçün əvvəlcə yükləmək istədiyiniz faylı kompüterinizin "iş stolu"na yerləşdirin. Faylı düzgün adlandırmağa çalışın. Sonra sol paneldəki "Alətlər sandığı"ndakı "Fayl yüklə" ("Upload file") düyməsindən istifadə edin. "Fayl yüklə" düyməsini tıklayan zaman açılan yeni səhifədəki təlimatlarla tanış olduqdan sonra "Sonrakı" ("Next") düyməsinə tıklayın. Açılan növbəti səhifədə "İstədiyiniz media-faylı seçin" ("Select a media file to donate") düyməsinə tıklamaqla yükləmək istədiyiniz faylı açılan pəncərə vasitəsi ilə seçirsiniz. Bunun üçün daxil etmək istədiyiniz faylın üzərinə tıklayın. Sonra pəncərənin aşağısında "Open/Открыть" düyməsinə daxil olun. Fayl yükləndikdən sonra "Davam etmək" ("Continue") düyməsinə tıkladıqda açılan səhifədə olan bölmələrdən birini seçib səhifənin aşağısındakı "Sonrakı" ("Next") düyməsinə tıklayaraq "Açıqlama" ("Describe") səhifəsinə keçid alırsınız. Bu səhifədə * işarəsi olan bütün bölmələr mütləq doldurulmalıdır. Bütün bəndlər tamamlandıqdan sonra səhifənin aşağısında, sağ küncdə yerləşən "Sonrakı" ("Next") düyməsinə tıklamaqla şəkil yüklənir və istifadəyə hazır olur. Daxil etdiyiniz fayllar üzərində istənilən vaxt redaktələr etmək mümkündür.
Unutmayın: hər bir şəkilin (faylın) izahı, mənbəsi, lisenziyası, kateqoriyası olmalıdır. Əks halda daxil etmiş olduğunuz fayl bir müddət sonra Wikimedia Commonsdan silinəcəkdir. Əgər Siz bu qayda və üsulları bilmirsinizsə, bununla bağlı Kənd meydanında sual verə bilərsiniz. Sualınız müəyyən vaxt ərzində fəal istifadəçilər və inzibatçılar tərəfindən cavablandırılacaq.
Yuxarıda qeyd olunanların nəticəsi kimi, Wikimedia Commonsa daxil etmək istədiyiniz faylı birbaşa buradan da yükləyə bilərsiniz.
Fayl yükləmək üçün bura klikləyin