Fidel V. Ramos
Si Fidel Valdez Ramos (Marso 18, 1928 - Hulyo 31, 2022) an ika-kagduwang presidente (12) Presidente nin Filipinas. Sinanglian niya si Corazon Aquino. Siya nagtukaw sa pwesto abot taon 1998 kan siya naman naribayan na ni Joseph Estrada. Siya an pinakainot na protestanteng Presidente kan Filipinas.
| Fidel V. Ramos CCLH, GCS | |
|---|---|
 | |
| Ramos kan 1998 | |
| Ika-12 Presidente kan Filipinas | |
| Termino Hunyo 30, 1992 – Hunyo 30, 1998 | |
| Bise Presidente | Joseph Estrada |
| Suminunod ki | Corazon Aquino |
| Sinundan ni | Joseph Estrada |
| Secretary of National Defense | |
| Termino Enero 22, 1988 – Hulyo 18, 1991 | |
| President | Corazon Aquino |
| Suminunod ki | Rafael Ileto |
| Sinundan ni | Renato de Villa |
| Chief of Staff of the Armed Forces of the Philippines | |
| Termino Pebrero 25, 1986 – Enero 21, 1988 | |
| President | Corazon Aquino |
| Suminunod ki | Fabian Ver |
| Sinundan ni | Renato de Villa |
| Termino Oktobre 24, 1984 – Desyembre 2, 1985 | |
| President | Ferdinand Marcos |
| Suminunod ki | Fabian Ver |
| Sinundan ni | Fabian Ver |
| Chief of the Philippine Constabulary | |
| Termino 1972 – Pebrero 25, 1986 | |
| President | Ferdinand Marcos |
| Suminunod ki | Fabian Ver |
| Sinundan ni | Renato de Villa |
| Personal na mga detalye | |
| Kamundagan | Fidel Ramos y Valdez Marso 18, 1928 Lingayen, Pangasinan, Philippine Islands |
| Partido politikal | Lakas-CMD II (2009–present) |
| Iba pang partido | Lakas-CMD I (1991–2009) LDP (1991) |
| Mga aki | 5 (including Cristy) |
| Dinakulaan | Asingan, Pangasinan Ayala Alabang, Muntinlupa[1] |
| Alma mater | National University United States Military Academy University of Illinois at Urbana-Champaign National Defense College of the Philippines Ateneo de Manila University |
| Kasibotan | Soldier Civil engineer |
| Awards | See awards Philippine Legion of Honor Knight Commander, Most Excellent Order of the British Empire |
| Lagda |  |
| Websityo | Official website Office of the PresidentArchived |
| Military service | |
| (Mga) gaha | Eddie, FVR |
| Allegiance | .svg){kind=small} Philippines |
| Mga taon kan serbisyo | 1950–1988 |
| Ranggo |  General |
| Commands | See commands Platoon Leader, 2nd Battalion Combat Team (BCT), Counter-Insurgency against the Communist Hukbalahap, 1951 |
| Battles/wars | Hukbalahap Campaign Korean War, 1951–1952 (Battle of Hill Eerie, May 1952)Vietnam War, 1965 to 1968 |
Kan panahon ni Presidente Marcos, siya nanggad an nagpautob kan Ley Militar na pigdeklara kan inot, ta siya an Hepe kan Constabulario kan Filipinas. Kan mangyari an People Power Revolution, tinalikondan niya si Marcos asin nagkampi sa oposisyon. Mangyari pa, ini an saro sa dakulang kabiglaanan sa balanse kan pagkakapot poder ni Marcos asin huli kaini pati ibang mga haralangkaw na ranggong militar nag-alyado na ki Ramos. Sa siring na pangyayari, napahale si Marcos sa pwesto sa haros matoninong na paagi.
Masasabi na sa inot na kabanga kan 6-na-taon na termino niya sa pagkapresidente, makusog an pag-uswag sa ekonomiya asin igwang matoninong asin pusog na kamugtakan an nasyon. Sa saiyang pagkapot poder totoo igwa siyang inaatubang na mga problema huli sa komunistang insurgencia asin sa mga separatistang Muslim. Nasabayan pa ini kan lamasa kan si 1997 krisis pinansyal sa Asia.
Kaamayan kan Buhay asin Adal niya
baguhonSi Fidel Ramos namundag sa Lingayen, Pangasinan. An saiyang ama iyo si Narciso Ramos (1900-1986), sarong abogado, peryodista, asin 5-terminong lehislador sa Kongreso na pakahaloy nagin ngani Secretary of Foreign Affairs. An saiyang ina iyo si Angela Valdez-Ramos (1905-1977), sarong edukador, tagapagsurog kan kababaihan asin gikan sa respetadong pamilya kan mga Valdez kan Batac, Ilocos Norte, bagay na iyo an dahilan kun ano ta ikaduwang pinsan niya si Ferdinand Marcos. Kinua niya an saiyang elementarya sa Lingayen asin an sekundaryang adal sa University of the Philippines Integrated School asin sa Centro Escolar University Integrated School.
Kan taon 1946, pira pa sanang bulan sa pag-enrol sa Philippine National University, naisipan maglaog sa Philippine Military Academy komo kadete asin duman nakapasar siya sa sarong scholarship kan gobyerno para sa pag'adal sa United States Military Academy duman sa West Point. Nagkua pa siyang dagdag na adal sa engineering pakagraduar niya sa West Point kun saen natapos asin nakamit niya an Masters Degree sa Civil Engineering duman sa University of Illinois. Sa Unibersidad na idto saro man siyang iskolar kan gobyerno taon 1951. Siring man, nagin siyang lisensyadong civil engineer igdi sa Filipinas komo nakapasar siya sa board exam kan 1953, na nakua an ika-10ng lugar. Kan 1960, nakamit niya an pinaka-halangkaw na grado sa pagkua niya kan Special Forces-Psy Operations-Airborne Course duman sa Fort Benning.
Si Ramos may bitbit man na Master's Degree sa National Security Administration sa National Defense College of the Philippines asin Master's in Business Administration (MBA) sa Ateneo de Manila University.
Mga panluwas na takod
baguhon
- ↑ Cal, Ben (February 24, 2021). "Keep 'unparalleled' spirit of 1986 People Power: FVR". https://www.pna.gov.ph/articles/1131771.
- ↑ "BOE.es - Índice por secciones del día 01/04/1995". Retrieved November 2, 2016.