Крылы Саветаў Самара

У пачатку 1942 году старшыня цэнтральнага камітэту прафзьвязу авіяцыйнай галіны Васэрман напісаў ліст наркаму авіяпрамысловасьці Шахурыну з просьбай арганізаваць перавод у Маскву 27 былых сталічных футбалістаў, якія апынуліся ў эвакуацыі ў Молатаве й Куйбышаве. 12 красавіка намесьнік наркама Дзяменцьеў вырашыў, што было за лепшае стварыць моцную футбольную каманду ў Куйбышаве й Молатаве, не выклікаючы ў Маскву найлепшых.

Гэтак дзякуючы гэтаму лісту з працаўнікоў маскоўскіх «Завода імя Фрунзэ», «Авіяцыйнага завода № 1» імя Сталіна, варонескага «завода № 18 імя Варашылава», а таксама авіяцыйных прадпрыемстваў, эвакуяваных у Куйбышаў зь Менску й Данецку была заснавана каманда «Крылы Саветаў». Першы свой матч яна правяла ўжо 3 траўня 1942 году. 30 ліпеня 1944 году адбыўся дэбют «Крылаў Саветаў» у Кубку СССР. У матчы 1/16 фіналу «Крылы Саветаў» саступілі футбалістам маскоўскага «Лякаматыва» зь лікам 1:5.

Першую гульню на першынство СССР (2-я група) «Крылы Саветаў» правялі на куйбышаўскім стадыёне «Лякаматыў» 3 чэрвеня 1945 году супраць каманды «Тарпэда» (Горкі) і завяршылі яе ўнічыю зь лікам 1:1. Гол які стаў для «Крылаў Саветаў» першым у чэмпіянатах СССР забіў Пётар Бурмістраў. У другім матчы «Крылы Саветаў» дома атрымалі перамогу над ленінградзкім «Спартаком» 3:0, а затым перамаглі зь лікам 2:1 «Балтфлёт». Потым былі выязныя перамогі ў Новасыбірску, Чалябінску, Сьвярдлоўску й Молатаве. «Крылы Саветаў» выйшлі ў лідэры групы, а за адзін тур да заканчэньня чэмпіянату абыграўшы адэскі «Харчавік» 5:1, забясьпечылі сабе выхад у першую групу.

21 красавіка 1946 году ў Алма-Аце «Крылы Саветаў» правялі свой першы матч у найвышэйшым дывізіёне СССР і саступілі ленінградзкаму «Зэніту» зь лікам 1:2.

Пасьля спыненьня існаваньня СССР «Крылы Саветаў» засталіся ў найвышэйшай лізе. Самарскі клюб дэбютаваў у чэмпіянаце Расеі ў Маскве 29 сакавіка 1992 году ў матчы супраць сталічнага «Спартака» (0:5). Сваю першую перамогу ў чэмпіянаце Расеі «Крылы Саветаў» атрымалі 12 красавіка 1992 году ў хатнім матчы супраць пецярбурскага «Зэніту» зь лікам 1:0, гол забіў Аляксандар Цыганкоў. 7 верасьня 1992 году ў госьцевым матчы супраць стаўрапальскага «Дынама» «Крылы Саветаў» пацярпелі паразу зь лікам 0:2, але за ўдзел дыскваліфікаванага футбаліста ў складзе «Дынама» гаспадарам была залічана тэхнічная параза — 0:3. Гэтак была «здабыта» першая перамога «Крылаў Саветаў» на чужым полі.

Актуальны на 24 лютага 2024 году

№ Пазыцыя Імя Год нараджэньня 1 Бр Іван Ламаеў 1999 4 Аб Аляксандар Салдаценкаў (капітан) 1996 5 Аб Юры Гаршкоў 1999 6 ПА Сяргей Бабкін 2002 7 Нап Дзьмітры Цыпчанка 1999 8 ПА Максім Віцюгоў 1998 9 Нап Уладзімер Хубулаў 2001 10 Нап Бэнхамін Гарэ 2000 11 Нап Раман Яжоў 1997 14 Нап Мікіта Салтыкоў (ар. Лякаматыў) 2004 15 Аб Мікалай Расказаў 1998 17 Нап Ягор Карпіцкі 2003 18 ПА Дзяніс Якуба 1996 19 Нап Мікіта Хлусаў 2000 20 ПА Амар Рахманавіч 1994 21 ПА Дзьмітры Іванісеня 1994

№ Пазыцыя Імя Год нараджэньня 22 ПА Фэрнанду Кастанса 1998 23 Аб Глен Бэйль 1995 24 Аб Раман Яўгеньеў 1999 25 Аб Кірыл Пячэнін 1997 27 Аб Аляксей Нікіценкаў 2001 30 ПА Арцём Сакалоў 2003 31 Аб Георгі Зотаў 1990 32 Нап Франка Ароска (ар. Лянус) 2002 39 Бр Яўген Фралоў 1988 41 Нап Ягор Ушакоў (ар. ЦСКА) 2002 65 Аб Ільля Грыбакін 2004 73 Нап Уладзіслаў Шытаў 2003 77 Нап Уладзімер Пісарскі 1996 81 Бр Багдан Аўсяньнікаў 1999 92 Нап Павал Папоў 2003 95 Аб Ільля Гапонаў 1997

• Афіцыйны сайт