Сьлёнск Уроцлаў

У 1946 годзе зь Пярэмышлю ва Ўроцлаў была пераведзеная афіцэрская школа сапэраў. Пры ёй у сакавіку 1946 году паўстаў спартовы клюб «Піянэр». У закладзеным клюбе зьявіліся сэкцыі па футболе, хакеі, боксе і веславаньню. «Піянэр» узяў удзел у розыгрышы клясы Б Ніжнясылескае лігі. У першы ж сэзон 1946—1947 гадоў клюб здабыў перамогу і ўзвысіўся ў клясу А. У 1947 годзе да гораду з Кракава пераехала афіцэрская школа пяхоты №1, пры якой быў утвораны свой спартовы клюб. Неўзабаве ў тым жа 1947 годзе абодва клюбы аб’ядналіся. Каманда працягнула выступы ў Ніжнесылескае лізе пад назвай «Піянэр», але ў красавіку 1949 году клюб зьмяніў назоў на «Легія».

Сэзон 1950—1951 гадоў дружына як звычайна пачала ў Ніжнясылескае лізе, але на пачатку 1951 году ўжо да спаборніцтваў не вярнулася, бо далучылася да Другой лігі чэмпіянату Польшчы, якая тады ладзілася паводле сыстэмы вясна—восень. Зьмяніўшы чэмпіянат, клюб зьмяніў і назву, стаўшы ОВКС, які з польскае мовы перакладалася як Спартовы акруговы вайсковы клюб. Уроцлаўцы паводле выніку дэбютнага першынства адразу страцілі месца ў Другой лізе і былі пераведзеныя ў Трэцюю лігу. У 1956 годзе ОВКС здабыў перамогу ў лізе і вярнуўся ў Другую лігу, зноўку зьмяніўшы назву на «Сьлёнск».

Па вяртаньні гульцы каманды правялі неблагі сэзон, але прасунуцца вышэй ім зашкодзіла быдгашчанская «Палёнія». «Сьлёнск» у тым сэзоне меў найлепшую абарону ў Другой лізе. У наступным сэзоне каманда таксама змагаліся за прасоўваньне, але задача выглядала складанай праз наяўнасьць сярод супернікаў шчэцінскай «Погані» і познанскага «Леху». Клюб зноўку фінішаваў другім па-за месцам прасоўваньня, як і год таму. Уроцлаўцы ў той сэзон забілі найбольшую колькасьць галоў ва ўсёй лізе — ажно 56. У той час каманда перамагла познанскую «Варту» зь лікам 8:0. У наступныя гады вынікі пагоршыліся, і каманда за звычай сканчавала сэзон у сярэдзіне табліцы. Сэзон 1963—1964 гадоў апынуўся гістарычным для ўроцлаўскага клюбу. У выдатным стылі «Сьлёнск» упершыню ў гісторыі прабіўся ў найвышэйшы дывізіён Польшчы. У 30 матчах дружына зьведала паразу толькі тройчы, але 19 разоў здабывала перамогу.

Актуальны на 10 лютага 2024 году

№ Пазыцыя Імя Год нараджэньня 2 Аб Аляксандар Палюшак 2001 4 Аб Лукаш Бэйгер 2002 5 Аб Алекс Петкаў 1999 6 ПА Шыман Леўкат 1999 7 Нап Кенэт Загарэ 1994 8 ПА Патрык Ольсэн 1994 9 Нап Эрык Экспосыта (капітан) 1996 10 ПА Матыяс Наўэль 1996 11 Нап Патрык Клімала 1998 12 Бр Рафал Ляшчынскі 1992 13 Аб Кшыштаф Куроўскі 2006 16 ПА Пэтар Пакорны 2001 17 ПА Пэтар Шварц 1991 19 Аб Патрык Янасік 1997 20 ПА Ален Мустафіч (ар. Одэнсэ) 1999 21 Нап Патрык Швэдзік 2001 22 Нап Матэвуш Жукоўскі 2001

№ Пазыцыя Імя Год нараджэньня 23 ПА Даніель Лукасік 1991 24 Нап Пётар Самец-Таляр 2001 26 Нап Бурак Інджэ 2004 27 Аб Марцін Канчкоўскі 1993 28 ПА Міхал Жухоўскі 1993 30 Бр Барташ Глагоўскі 2005 32 Аб Мікалай Тудруй 2006 33 Аб Ягор Мацэнка 2002 34 Аб Конрад Паправа 1998 35 Бр Кацпэр Трэлёўскі (ар. Ракаў) 2003 36 ПА Мілаш Куроўскі 2004 37 ПА Аляксандар Воўчак 2005 38 Аб Станіслаш Шчырак 2005 39 Бр Матэвуш Гурскі 2000 78 Аб Тамаза Гуэрча 2005 87 Аб Сімеон Петраў (ар. ЦСКА 1948) 2000 90 Нап Льюіс Пэньня 2004

• Афіцыйны сайт