Арман (мастак)
Арман, сапраўднае імя — Арман П’ер Фернандэс (фр. Arman, Armand Pierre Fernandez; 17 лістапада 1928, Ніца — 22 кастрычніка 2005, Нью-Ёрк) — французскі і амерыканскі мастак, калекцыянер, адзін з заснавальнікаў новага рэалізму.
| Арман | |
|---|---|
| фр.: Armand | |
.jpg) | |
| Дата нараджэння | 17 лістапада 1928[1][2][…] |
| Месца нараджэння | |
| Дата смерці | 22 кастрычніка 2005[5][1][…] (76 гадоў) |
| Месца смерці | |
| Месца пахавання | |
| Грамадзянства | |
| Жонка | Éliane Radigue[d] |
| Дзеці | Yves Arman[d] |
| Род дзейнасці | мастак, скульптар, дзеяч выяўленчага мастацтва, дызайнер упрыгожванняў, ілюстратар, рысавальнік, перформер |
| Жанр | сучаснае мастацтва[d][7] |
| Вучоба | |
| Мастацкі кірунак | Nouveau réalisme[d][8] |
| Член у | |
| Узнагароды |  |
| Сайт | armanstudio.com (англ.) |
| Подпіс |  |
 Медыяфайлы на Вікісховішчы | |
Арман вывучае да 1949 года ў Ніцы філасофію, матэматыку і дэкаратыўнае мастацтва. У 1947 годзе знаёміцца з Івам Кляйнам. Пад уплывам апошняга захапляецца будызмам, астралогіяй і вучэннем розенкрэйцэраў. У 1949—1951 гадах вывучае ў Парыжы археалогію і ўсходнія культуры. У гэты ж час пачынае займацца жывапісам, піша карціны ў сюррэалістычнай манеры.
У 1953 годзе, пасля заканчэння ваеннай службы ў Індакітаі, вяртаецца ў Ніцу, жэніцца з Эліян Радзіг (кампазітар; развяліся ў 1971) і працягвае маляваць, пры гэтым схіляючыся ўсё больш да абстракцыянізму. У гэты час знаходзіцца пад моцным уплывам творчасці Сержа Палякова, Джэксана Полака і Курта Швітэрса. У 1956 годзе адбылася першая выстава прац Армана, у Парыжы. У 1957—1958 гады мастак падарожнічае па Турцыі, Афганістане і Іране.
З 1959 года Арман пакідае жывапіс амаль на 30 гадоў.
У 1971 годзе Арман стварае аб’екты з поліэстэру і плексігласа, у 1975 годзе наведвае Егіпет, у 1978 годзе ўстанаўлівае буйнафарматныя скульптуры ў Дыжоне і Дзірбарне (штат Мічыган, ЗША). У 1979 годзе здзяйсняе паездкі ў КНР і СССР.
У 1988 годзе Арман вяртаецца да жывапісу і стварае 13 палотнаў — ілюстрацый да паэзіі Арцюра Рэмбо (знаходзяцца ў парыжскім цэнтры Жоржа Пампіду). У яго творчасці гэтага часу злучаюцца абстрактны экспрэсіянізм і «новы рэалізм». У 1991 годзе ствараецца серыя партрэтаў вялікіх кампазітараў — ад Баха да Бартака, выкананая з музычных інструментаў, найбольш тыповых для кожнага кампазітара.
Зноскі
- ↑ а б Arman
- ↑ Arman — OUP, 2006. — ISBN 978-0-19-977378-7
- ↑ а б Bell A. Encyclopædia Britannica — Encyclopædia Britannica, Inc., 1768.
- ↑ http://www.armanstudio.com/the-artist/biography
- ↑ http://www.legacy.com/Obituaries.asp?Page=APStory&Id=10234
- ↑ https://rkd.nl/explore/artists/2451
- ↑ http://www.armanstudio.com/artworks
- ↑ Union List of Artist Names