Марка Фу (сапраўднае імя: Фу Гуцзюнь; кіт.: 傅家俊; нар. 8 студзеня 1978, Ганконг) — прафесійны гулец у снукер з Ганконга. Фіналіст двух турніраў трайной кароны (чэмпіянату Вялікабрытаніі 2008 і Мастэрс 2011). Адзін з трох азіяцкіх снукерыстаў (разам з Джэймсам Уатанам і Дзінам Цзюньхуэем), якія даходзілі да паўфіналаў чэмпіянату свету (2006, 2016). Пераможца трох рэйтынгавых турніраў (уваходзіць у топ-25 снукерыстаў у гісторыі па колькасці перамог рэйтынгавага ўзроўню). З 2000 года нязменна ўваходзіць у топ-32 сусветнага рэйтынгу.
Стаў прафесіяналам у 1998 годзе і тады ж дайшоў да фіналу Гран-пры, перайграўшы Роні О’Салівана, які займаў трэці радок у сусветным рэйтынгу, і Пітэра Эбдана, а ў канцы сезона дэбютаваў на чэмпіянаце свету. У 2000 годзе атрымаў уайлдкард на Мастэрс, патрапіўшы на найбуйнейшы нярэйтынгавы турнір па снукеры, а дзякуючы паспяховым выступам на рэйтынгавых турнірах, ужо ў сезоне 2000/2001 увайшоў у топ-16 сусветнага рэйтыннгу, аднак пратрымаўся там толькі адзін год. У 2006 годзе дайшоў да паўфіналу сусветнага першынства, што з’яўляецца яго найлепшым вынікам на найбуйнешым снукерным спаборніцтве, а ў 2007 выйграў свой першы рэйтынгавы тытул, Гран-пры, перамогшы ў фінальным паядынку Роні О’Салівана. У канцы 2008 года дайшоў да фіналу чэмпіянату Вялікабрытаніі, а ў 2011 — да фіналу Мастэрс. У 2013 годзе дайшоў да фіналу German Masters і ў пачатку сезона 2013/2014 атрымаў другую рэйтынгавую перамогу на адкрытым чэмпіянаце Аўстраліі, а пазней дайшоў да фіналу International Championship 2013, пасля чаго падняўся на шостае месца ў рэйтынгу, якое з’яўляецца яго найвышэйшай пазіцыяй у табелі аб рангах. У 2016 годзе ў другі раз дайшоў да паўфінальнай стадыі чэмпіянату свету і здабыў трэці рэйтынгавы тытул на адкрытым чэмпіянаце Шатландыі.
Займаў пятае месца ў сусветным рэйтынгу амаль два месяцы. Апроч трох рэйтынгавых першынстваў выйграў нізкарэйтынгавы адкрыты чэмпіянат Гібралтара 2015 і 2 іншыя прафесійныя турніры: прэм’ер-лігу 2003 года і Championship League 2010 года. Таксама за нацыянальную зборную спартовец з Ганконга выйграў 3 залатыя медалі азіяцкіх гульняў (1998, 2002, 2010), уключаючы 1 медаль у адзіночным разрадзе, і 1 залаты медаль (у камандным разрадзе) усходне-азіяцкіх гульняў (2009). За сваю кар’еру аформіў больш за 450 соценных брэйкаў і ўваходзіць у топ-10 самых серыйных гульцоў у гісторыі снукера, а таксама зарабіў больш за 2 мільёны фунтаў стэрлінгаў прызавых грошай, уваходзячы у топ-20 снукерыстаў у гісторыі па гэтым паказчыку. За сваю кар’еру выканаў чатыры максімальныя брэйкі (шостае месца ў гісторыі пасля Роні О’Салівана, Стывена Хендры, Джона Хігінса, Дзіна Цзюньхуэя і Шона Мёрфі).
Рэйтынгавыя турніры: 8 (3 перамогі, 5 паразаў)
правіцьЛегенда |
Чэмпіянат свету (0:0) |
Чэмпіянат Вялікабрытаніі (0:1) |
Іншыя (3:4) |
Нізкарэйтынгавыя турніры: 3 (1 перамога; 2 паразы)
правіцьПрафесійныя снукерныя турніры: 14 (6 перамог, 8 паразаў)
правіцьЛегенда |
Рэйтынгавыя турніры (3:5) |
Нізкарэйтынгавыя турніры (1:2) |
Нярэйтынгавыя турніры (2:1) |
Турніры з альтэрнатыўным фарматам (0:0) |
Вынік | ПДВ | Дата | Турнір | Апанент у фінале | Лік |
---|
Параза | 1 | 25 кастрычніка 1998 | Гран-пры, Прэстан, Англія | Лй Стывен Стывен Лі | 2:9 |
Перамога | 1 | 11 мая 2003 | Прэм’ер-ліга, Вялікабрытанія | Уйльямс Марк Марк Уільямс | 9:5 |
Перамога | 2 | 21 кастрычніка 2007 | Гран-пры, Абердын, Шатландыя | ОСалйван Ронй Роні О’Саліван | 9:6 |
Параза | 2 | 21 снежня 2008 | Чэмпіянат Вялікабрытаніі, Тэлфард, Англія | Меярфй Шон Шон Мёрфі | 9:10 |
Перамога | 3 | 25 сакавіка 2010 | Championship League, Сток, Англія | Ален Марк Марк Ален | 3:2 |
Параза | 3 | 16 студзеня 2011 | Мастэрс, Лондан, Англія | Дзйн Цзюньхуэй Дзін Цзюньхуэй | 4:10 |
Параза | 4 | 9 верасня 2012 | Players Tour Championship 2012/2013 — Этап 3, Глостэр, Англія | Лоулер Род Род Лоўлер | 2:4 |
Параза | 5 | 3 лютага 2013 | German Masters, Берлін, Германія | Картэр Алйстэр Алістэр Картэр | 6:9 |
Перамога | 4 | 14 ліпеня 2013 | Адкрыты чэмпіянат Аўстраліі, Бендыга, Аўстралія | Робертсан Нйл Ніл Робертсан | 9:6 |
Параза | 6 | 17 жніўня 2013 | Bluebell Wood Open, Глостэр, Англія | Уолдэн Рыкй Рыкі Уолдэн | 3:4 |
Параза | 7 | 3 лістапада 2013 | International Championship, Чэнду, Кітай | Дзйн Цзюньхуэй Дзін Цзюньхуэй | 9:10 |
Перамога | 5 | 13 снежня 2015 | Адкрыты чэмпіянат Гібралтара, Гібралтар | Уайт Майкл Майкл Уайт | 4:1 |
Перамога | 6 | 18 снежня 2016 | Адкрыты чэмпіянат Шатландыі, Глазга, Шатландыя | Хйгйнс Джон Джон Хігінс | 9:4 |
Параза | 8 | 12 сакавіка 2017 | Players Championship, Ландудна, Уэльс | Трамп Джад Джад Трамп | 8:10 |
Запрашальныя турніры: 1 (1 перамога)
правіцьВыступы за нацыянальную зборную
правіць
Кубак свету (13 перамог, 9 параз)
правіцьБрэйкі, вышэйшыя за 140 ачкоў
правіць
Легенда |
140 | Брэйк стаў найвышэйшым на турніры |
140 | Брэйк з’яўляецца рэкордным для снукерыста |
Зноскі