Amstelveen
Amstelveen (distagañ: /ˌɑmstəlˈveːn/ [1]) a zo ur gêriadenn-kêr e proviñs Noord-Holland en Izelvroioù. Ul lodenn eus tachenn meurgêr Amsterdam eo. E kêr Amstelveen e kaver an distrigoù ha kêriadennoù da-heul : Amstelveen, Bovenkerk, Westwijk, Nes aan de Amstel hag ul lodenn eus Ouderkerk aan de Amstel . Dont a ra an anv Amstelveen eus hini ar stêr 'Amstel' hag eus 'veen' hag a dalvez lanneg pe taouarc'heg. En Amstelveen emañ sez KLM [1]. hag ivez sez KPMG.
![](http://upload.wikimedia.org/wikipedia/commons/thumb/3/3e/Amstelveen_4.88326E_52.31354N.jpg/220px-Amstelveen_4.88326E_52.31354N.jpg)
![](http://upload.wikimedia.org/wikipedia/commons/thumb/d/d6/Dutch_Municipality_Amstelveen_2006.png/200px-Dutch_Municipality_Amstelveen_2006.png)
![](http://upload.wikimedia.org/wikipedia/commons/thumb/b/b5/Amstelveen_flag.svg/200px-Amstelveen_flag.svg.png)
Istor
kemmañ![](http://upload.wikimedia.org/wikipedia/commons/thumb/2/2c/Ouderkerk_aan_de_Amstel_-_Kruitfabriek_De_Oude_Molen.jpg/200px-Ouderkerk_aan_de_Amstel_-_Kruitfabriek_De_Oude_Molen.jpg)
E-pad ma oa aloubet an Izelvroioù gant ar C'hallaoued (1810-1814) e oa Amstelveen kêrbenn an departamant gall anvet Zuiderzee, ha betek 1964 e voe anvet Nieuwer-Amstel. Un dorp (kêriadenn) bras eo Amstelveen, dre ma ne voe biskoazh mogeriet. Ardamez Amselveen a zo diazezet war hini Amsterdam (teir c'hroaz), unan a zo bet ouzhpennet. En Amstelveen e kaver an Thijssepark hag a voe an heempark (liorzh-louzawouriezh) kentañ en Izelvroioù hag unan eus ar 16 heempark pe heemgroen a gaver en Amstelveen. Aozet e voe gant an arkitektour C.P.Broerse diwar mennozhioù an naturour izelvroat Dr.Jac. P. Thijsse. Aozet e voe etre 1940 ha 1972, 5 hektar gorread a zo dezhi, hag emañ e su Amsterdamse Bos. Ar c'hentañ ministr Jan Peter Balkenende a stagas gant ar politikerezh en Amstelveen, ma voe kuzulier-kêr. Tost ouzh aerborzh Schiphol emañ Amstelveen ivez. Ur metro hag un tram a zo da vont da Amsterdam.
![](http://upload.wikimedia.org/wikipedia/commons/thumb/3/3a/Cobra_museum_2.jpg/200px-Cobra_museum_2.jpg)
Kuzul-kêr
kemmañE kuzul-kêr Amstelveen ez eus 35 dileuriad:
- VVD - 9 dileuriad
- PvdA - 8 dileuriad
- GroenLinks - 5 dileuriad
- Burger Belangen - 5 dileuriad
- CDA - 4 dileuriad
- D66 - 2 zileuriad
- Christen Unie - 1 dileuriad
- OCA/VSP - 1 dileuriad
Gevellerezh
kemmañDa welout
kemmañ- Mirdi CoBRa e kreiz-kêr (Stadshart) Amstelveen
- Mirdi Jan van der Togt
- An ti ma voe ganet an arzour Jan Cornelis Hofman
- Un delwenn da Rembrandt war ribl ar stêr is Amstel, war-du gevred Amstelpark