Kensonenn dre froumal

Er yezhoniezh e vez implijet an termen kensonenn dre froumal (saoz.: trill) war dachenn ar fonetik hag ar fonologiezh evit komz eus ur gensonenn ma vez lakaet an aer da froumal en ul lec'h distagañ resis, da skouer pa vez distaget un 'r' kroañennek.

Daosut ha ma c'hall bezañ heñvel o son ec'h eo disheñvel-krenn doare distagañ ur gensonenn dre froumal diouzh hini ur gensonenn dre stlakat dre ma chom difiñv an organoù fonadur pa distager ur gensonenn dre froumal keit ha ma vez skoet un organ fonadur difiñv gwezh-ha-gwezh all gant un organ fonadur all pa distager ur gensonenn dre stlakat.

Setu roll ar c'hensonennoù dre froumal pennañ gant bep o arouezenn hervez reolennoù treuzskrivañ al lizherenneg fonetikel etrebroadel:

[ʙ] kensonenn diweuz dre froumal (mouezhiet), d.s. bamilekeg [àʙɨ́] ("ludu")

[r] kensonenn kevig dre froumal mouezhiet, d.s. spagn. rey ([rej]; "roue")

[r̥] kensonenn kevig dre froumal dimouezh, d.s. kemb. Rhagfyr ([ˈr̥aːgvɨr]; "miz Kerzu")

[ʀ] kensonenn huged dre froumal (mouezhiet), d.s. port. europek carro ([ˈkaʀu]; "karr-tan")