Emglev Libr Europa
| Emglev Libr Europa (ELE) | |
|---|---|
| European Free Alliance (EFA) | |
 | |
| Prezidant/ez | François Alfonsi |
| Krouet | 1981 |
| Sez | Boomkwekerijstraat 1, 1000 Brusel, Belgia |
| Ideologiezh | Emverouriezh |
| Kenvreuriadur etrevroadel | ebet |
| Strollad-parlamant europeat | Ar Re C'hlas Europeat - Emglev Libr Europa |
| Livioù | Limestra |
| Lec'hienn | www.e-f-a.org |
| See also | Politikerezh an Unvaniezh Europeat |
Emglev Libr Europa (anavezet ivez evel Kevredad Dieub Europa) a zo un emglev etre meur a strollad politikel emrener pe dizalc'hour eus Europa.
Istor
kemmañE 1981 e voe savet an Emglev gant strolladoù oberiant e meur a rannvro en Europa. E 1989 e voe bodet o c'hannaded e Parlamant Europa en ur bodad unvan. A-raok e oant rannet etre meur a gostezenn. E 1989 e oa bet ar gannaded-se e diabarzh ar strollad Kanevedenn (Rainbow Group) : ennañ e oa tro c'hannad eus Italia (Lega Nord ha Partito Sardo d'Azione), daou eus Spagn (Strollad broadelour euskarat ha Partido Andalucista), unan eus Belgia (Volksunie), unan eus ar Stad C'hall (Unione di u Populu Corsu, unan eus Breizh-Veur (SNP) hag unan eus Iwerzhon (Neil Blaney). A-gevret ganto e oa ivez pevar Danad eus ur strollad enebet ouzh Unaniezh Europa.
Seizh kannad en deus ELE e Parlamant Europa, abaoe dilennadeg Mezheven 2014.
- Josep Maria Terricabras, Esquerra Republicana de Catalunya, Katalonia
- Ernest Maragall, Nova Esquerra Catalana, Katalonia
- Jordi Sebastià, Compromís, Bro València
- Ian Hudghton, Scottish National Party, Bro-Skos
- Alyn Smith, Scottish National Party, Bro-Skos
- Jill Evans, Plaid Cymru, Kembre
- Tatjana Ždanoka, Evit Gwirioù an Dud en Latvia Unanet (Par Cilveka Tiesibam Vienota Latvija/За права человека в единой Латвии), Latvia
Unanet eo ELE gant Ar Re C'hlas e Parlamant Europa da ober ar bodad Ar Re C'hlas-ELE.
Aozadur
kemmañIdentelezh gweled
kemmañUl logo nevez a oa bet diskouezet gant an ELE d'an 13 a viz Du 2013. Hervez e pennsekretour, Jordi Sole, "arouez ar youl-sevel ar strollad politikel evit mont war-raok etrezek un Europa all, un Europa disheñvel, eo al lizherenn E"[1].
Izili
kemmañIzili-arsellerien
kemmañ| Alamagn | Łužyska Alianca / Lausitzer Allianz | Sorabed |
| Danmark | Schleswigsche Partei | alamanegerien Danmark |
| Italia | Movimento per l'Indipendenza della Sicilia | Sikilia |
| Italia | Renouveau Valdôtain | Traoñienn Aosta |
| Latvia | Latvijas Krievu savienība | rusianegerien Latvia |
| Slovakia | Strana Regionov Slovenska | lies-rannvroel |
Izili kozh
kemmañAr strollad flandrezat Volksunie a oa aet da get e 2001. Ar strollad flandrezat Sociaal-Liberale Partij (Spirit kent) a oa aet da get e miz Kerzu 2009. Al Lega Nord he doa kuitaet an Emglev e 1996. Ar Strollad broadelour euskarat en doa paouezet da vezañ ezel e 2004. An Union Valdôtaine, a oa unan eus diazezerien Emglev Libr Europa, he deus paouezet da gemer perzh en e oberiantizoù. N'eo mui un ezel abaoe 2007. An Union für Südtirol a oa bet diarbennet e 2008 goude ma oa bet disrannet e daou strollad bihan e 2007. An hini brasañ eus ar strolladoù, hag an hini en doa miret an anv, en doa nac'het asantiñ ouzh un diskleriadur a-zivout an islamofobiezh. Ar strollad Latvijas Krievu savienība zo bet skarzhet e 2022, goude m'he doa nac'het kannadez europat ar strollad-se votiñ un destenn a-enep aloubadeg Ukraina gant an arme rusian.
Notennoù ha daveiñ
kemmañ- ↑ European Free Alliance launches new website, party videos, and logo, war E-f-a.org, d'ar 14 a viz Du 2013 (lennet d'ar 27 a viz Genver 2014) : "The reverse E is a symbol of our ambitions to bring about another Europe, a different Europe."
