Vendôme

E-kichen kêr Vindocinum e oa un oppidom war un dorgenn a oa savet ur c'hastell-kreñv warni er Grennamzer. E Vendôme e varvas Nevenoe, penn ar Vretoned e 851. Diazezet e voe abati an Dreinded sant Bienheuré er V^vet kantved. Chom a ra an iliz evel m'eo bet savet er stil gotek flamennek. Dont a reas ar vro da vezañ glad familh ar Vourboned-Vendôme, ur skourr eus an dierniezh c'hall er XIV^vet kantved. E 1515 e oa kemmet ar gontelezh en un dugelezh evit Charlez a Vourbon, tad-kozh Herri IV, roue Bro-C'hall. Hemañ a roas an dugelezh d'e vab bastard, Kaezar. Pelloc'h e voe roet dezhañ post gouarnour Breizh gant Anna a Aostria, intañvez Herri IV.

• Iliz abati an Drinded gant ur c'hloc'hdi distag hag un talbenn kizellet meurbet er stil gotek flamennek
• Mirdi e savadurioù abati an Dreinded (XIVvet-XVIved kantved)
• Iliz ar Madalen (XVvet kantved)
• Tour Sant-Varzhin, bet kloc'hdi un iliz aet da get
• Dor Sant-Jord
• Ospital kozh ha skolaj kozh, an ti-kêr ennañ hiziv
• Levraoueg Abad Grégoire
• Dismantroù kastell konted vendôme
• Delwennoù Pierre de Ronsard ha kont ha marichal a Rochambeau
• Karterioù kozh

Roet eo bet al label Kêrioù ha Broioù Arz hag Istor dezhi.

War ribl al Lez emañ, 35 kilometr e gwalarn Blois ha dre ar TTB e c'haller mont da Bariz dindan 42 vunutenn.

• Jean-Baptiste de Vimeur, kont a Rochambeau.

• Meven Mordiern, skrivagner brezhoneg, en deus bevet er gumun e-kichen, Villiers-sur-Loir.

• Nevenoe, penn ar Vretoned, e 851

• Gevelsberg (Norzh Roen-Westfalia) abaoe 1973.
• Hampton (Virginia) abaoe 1980.
• Boulsa (Burkina Faso) abaoe 1992^[2].

1. ↑ Roadennoù ofisiel e lec'hienn an EBSSA
2. ↑ Gevelliñ Boulsa/Vendôme "[...] Depuis 1992, ces deux villes sont jumelées et travaillent ensemble dans le cadre de la coopération décentralisée.[...]"