Prifysgol Brown
Prifysgol breifat a leolir yn Providence, Rhode Island, Unol Daleithiau America yw Prifysgol Brown (Saesneg: Brown University) sydd yn un o brifysgolion elît yr Ivy League.
![]() | |
Arwyddair | In Deo Speramus ![]() |
---|---|
Math | prifysgol breifat, prifysgol ymchwil, Colonial Colleges, sefydliad addysgol preifat nid-am-elw ![]() |
Enwyd ar ôl | Nicholas Brown, Jr. ![]() |
Sefydlwyd | |
Daearyddiaeth | |
Sir | Providence ![]() |
Gwlad | ![]() |
Cyfesurynnau | 41.8261°N 71.4031°W ![]() |
Cod post | 02912 ![]() |
![]() | |
Sefydlwydwyd gan | James Manning, John Brown, Moses Brown, Morgan Edwards ![]() |
Derbyniodd ei siarter yn gyntaf ar ffurf Coleg Rhode Island yn Warren, Rhode Island, ym 1764, ar gyfer myfyrwyr gwrywol o Fedyddwyr. Symudodd i Providence, prifddinas y dalaith, ym 1770 a chymerodd ei enw cyfredol ym 1804 er anrhydedd y cymwynaswr Nicholas Brown. Dan arweiniad Francis Wayland, llywydd Brown o 1827 i 1855, estynnwyd y cwricwlwm drwy helaethu'r pynciau dewis, ychwanegu ieithoedd modern, a gwella offer y labordai.[1] Trodd Brown yn brifysgol gymysg ym 1971 wrth gyfuno â Choleg Pembroke, y coleg merched cyswllt a sefydlwyd ym 1891 ac enwyd ar ôl Coleg Penfro, Caergrawnt ym 1928.
Mae Prifysgol Brown yn cynnwys coleg i israddedigion, adran ôl-raddedig, ac ysgolion meddygol. Mae'n wahanol i'r mwyafrif o brifysgolion eraill yn yr Unol Daleithiau gan ei bod yn disgwyl i fyfyrwyr israddedig lunio rhaglen astudiaethau rhyngddisgyblaethol eu hunain ar gyfer eu gradd academaidd. Mae ganddi ryw 7000 o israddedigion a rhyw 3000 o ôl-raddedigion.
Cyfeiriadau
golygu- ↑ (Saesneg) Brown University. Encyclopædia Britannica. Adalwyd ar 15 Mehefin 2021.