Ŝuŝanik
Ŝuŝanik (armene: Շուշանիկ, kartvele: შუშანიკი), naskita kiel Vardeni Mamikonjan (ĉ. 440 - 475) estis kristana armena virino torturita ĝis morto de ŝia edzo Varsken en la urbo Curtavi, Kartvelio. Ĉar ŝi mortis defendante sian rajton konfesi kristanismon, ŝi estas rigardata kiel martiro. Ŝia martireco estas priskribita en la hagiografia verko de ŝia konfesanto Jakob, la plej malnova ekzistanta verko de kartvellingva literaturo. La hagiografio detaligas ampleksan reziston al formoj de malliberigo, izolado, torturo kaj krueleco fare de Ŝuŝanik.
| Sankta | ||
| Ŝuŝanik | ||
|---|---|---|
 | ||
| Persona informo | ||
| Naskonomo | წმინდა შუშანიკი | |
| Naskiĝo | 30-an de novembro 439 en Tarono, Persa Armenio | |
| Morto | 18-an de oktobro 475 (35-jaraĝa) en Boghnopor,  Iberio | |
| Mortis pro | Mortpuno  vd | |
| Religio | ortodoksismo vd | |
| Ŝtataneco | Iberio vd | |
| Familio | ||
| Dinastio | Mamikonjan vd | |
| Patro | Vardan Mamikonjan vd | |
| Patrino | Doustr (en)  vd | |
| Gefratoj | Vardanoysch Mamikonian (en) vd | |
| Edz(in)o | Varsken of Gogarene (en) vd | |
| Infanoj | Aršouša II (en) vd | |
| Profesio | ||
| Okupo | edz(in)o de monarĥo vd | |
| Sanktulo | ||
| vd | Fonto: Vikidatumoj | |
Ŝuŝanik estis filino de la armena armea komandanto Vardan Mamikonjan kaj geedziĝis kun la Mihranid-reganto Varsken, filo de Arŝuŝa la 2-a. Varsken estis defia vasalo de Vaĥtang la 1-a Gorgasali, Reĝo de Kartli (Iberio), kaj prenis por-persan pozicion, rezignante pri kristanismo kaj adoptante Zaratuŝtrismon. Li mortigis sian edzinon post kiam ŝi rifuzis submetiĝi al sia ordono forlasi sian kristanan kredon. Varsken mem estis mortigita de la reĝo Vaĥtang en 483.
Ŝuŝanik estis kanonigita fare de la Kartvela Ortodoksa Eklezio kaj estas honorita fare de la Armena Apostola Eklezio. Ŝia festotago estas festata la 17an de oktobro en Kartvelio kaj marde inter la 20a kaj 26a de septembro en Armenio.