Formato

La A-serion difinas la normo ISO 216. Ĝia baza principo estas, ke la pli longa flanko de A-folio estas 1,4142 foje tiel granda kiel la pli mallonga. Sekve, kiam oni faldas aŭ tranĉas A-folion mezalte, oni akiras duonan folion, kiu konservas la saman proporcion inter alto kaj larĝo.

A0 estas difinita tiel, ke ĝi ampleksas unu kvadratan metron. Ĝin duonigante, oni ricevas A1. Duonigante A1, oni ricevas A2, kaj tiel plu. Dimensiojn oni rondigas en milimetroj.

B-serio estas difinita per geometria mezumo inter eroj de A-serio. Ekzemple larĝo de B1 estas geometria mezumo de larĝoj de A0 kaj A1 ( (larĝo de A0 * larĝo de A1) ^1/2 ).

C-serio estas difinita per geometria mezumo inter eroj de A-serio kaj B-serio. Ili estas ofte uzataj por kovertoj. A4-folio facile entaŭgas en C4-koverton, kaj tiel plu.

Sur kopiilo, oni povas facile A3-paĝon malgrandigi, por ke ĝi plenigu A4-folion: oni apliku 71-elcentan projekcion (0,71 estas inverso de 1,4142). Okazas nenia teksta perdo, aperas nenia superflua marĝeno.

Ĉar la pezo de papero esprimiĝas per gramoj en kvadrata metro, estas facile kalkuli la pezon de foliaro, konante la paperpezon. Ekzemple ordinara kopipapero estas 80-grama en kvadrata metro. Sekve A0-folio de tia paperpezo pezas 80 gramojn, A1-folio pezas 40 gramojn..., A4-folio 5 gramojn kaj tiel plu.

Normaj dimensioj de folioj de A0 ĝis A5.

Ankaŭ estas dimensioj, oblaj de tiuj A0 ... A4, ili estas farataj per kunmetado de kelkaj folioj de la sama amplekso kune je pli longaj flankoj.

Oblaj normaj dimensioj de folioj ĝis A4x8, A3x5, A2x4.