Kadapa

Kadapa situas 8 kilometrojn sude de rivero en alteco 138 metrojn super la marnivelo. Ĝi estas ĉirkaŭita sur tri flankoj de la montetoj. Proddatur troviĝas 45, Nellore, ankaŭ la maro 131, Anantapuramu 135, subŝtata ĉefurbo Amaravatio 212, Hajderabado 326, Kakinada 459, Mumbajo 813, Kolkato 1350, tutlanda ĉefurbo Delhio 1586 kilometrojn (aere) [1].

Laŭ la stato de 2011 en la urbo vivis 344 893 loĝantoj sur areo de 182,75 kvadrataj kilometroj, kio rezultigas loĝdenson de 1 887 loĝantoj/km². En 2022 la populacio de Kadapa estis 466 000. En la 1970-aj jaroj la komunumo atingis la internacian kvalifikon urbego (pli granda, ol cent mil). La legopovo estas 79,34 procentoj.

La historio de Kadapa devenas de la 2-a jarcento antaŭ Kristo. Dum la mezepoko la regantoj estis ekzemple Ĉola dinastio, Viĝajanagara imperio kaj Majsura reĝlando. La plej glora erao estis la 15-a jarcento, tiam oni konstruis imponajn templojn. Islamanoj konkeris la regionon en 1594 kaj konstruis fortikaĵon. Iam la loknomo estis "Neknamabad". Fine la britoj regis de 1800 ĝis 1947. La municipo estis establita en 2004.

Ekonomio de Kadapa konsistas ĉefe de agrikulturo (ternuksoj, kotonoj), turismo, komercado kaj administracio.

En Kadapa universitato, kolegio kaj medicina instituto funkcias.

La oficiala lingvo de Kadapa estas la telugua, sed la urdua estas parolata ĉie, precipe inter islamanoj. La hinda ankaŭ estas parolita en multaj lokoj. La angla ankaŭ akiras popularecon.

La urba loĝantaro havas 50% hinduojn, 47% islamanojn kaj 3% kristanoj.

Kadapa troviĝas en duonarida klimato laŭ Klimata klasifiko de Köppen BSh. Jare pluvas averaĝe po 770 mm. Inter julio-oktobro pli ofte pluvas pro la musonoj dum inter januaro-marto apenaŭ pluvas. La averaĝa temperaturo varias inter 23-35 °C.

Al Kadapa kuras pluraj vojoj el ĉiuj direktoj. La fervoja linio trairas la urbegon ekde 1866. Flughaveno funkcias loke ekde 2015.

• temploj
• horloĝturo
• monumento

• WikiTrans

• 
  Horloĝturo
• 
  Stacidomo
• 
  Templo
• 
  Kolegio

Portalo pri Barato