Bigarren Federazioa

2019-2020 denboraldian 2. B mailako 28. jardunaldia jokatu ondoren COVID-19 pandemiaren erruz txapelketa etenda gelditu zen. Igoera promozioak jokatu ziren eta ez zen jaitsierarik izan. 100 talde bildu zirenez 2020-21 denboraldian bi fasetan jokatu zen eta 100 talde horietatik lauk bigarren mailara igotzea lortu zuten. Hurrengo 36 taldeek eta bigarren mailatik jaitsitako laurek maila berria osatu zuten 2021-22 denboraldirako, Lehen maila RFEF hain zuzen ere. Gainerako taldeek eta Hirugarren mailatik igotako 54 taldeek RFEF bigarren maila osatu zuten, Espainiako futbol sistemako laugarren maila, Federazioaren ardurapeko bigarrena.

Sailkaturiko 90 taldeak 18 taldetako bost multzotan banatu ziren, gertutasun geografikoaren arabera. Liga amaitzerakoan talde bakoitzeko txapelduna zuzen igoko da Lehen maila RFEF-ra eta multzo bakoitzean 2. eta 5. postuen artean geldituko direnek play-offak jokatu eta beste bost talde igoko dira.

Hirugarren mailara jaitsiko dira multzo bakoitzeko azken bost taldeak eta azkenetik seigarrenek jaitsiera play-offak jokatuko dituzte.

Urtea	Txapelduna	Bigarrena	Hirugarrena	Gainerako euskal taldeak	Taldeen jatorria
2021-2022	Osasuna B	Sestao River	Real Sociedad C	5. Arenas 6. Donibane 8. Gernika Kluba 10. Izarra 11. Mutilvera 17. Ardoi 18. Peña Sport	Euskal Herria  Kantabria  Errioxa Burgos
2022-2023	Sestao River	Deportivo Alaves B	Tarazona	5. Gernika Kluba 6. Tudelano 7. Real Sociedad C 8. Donibane 9. Arenas 10. Izarra 11. Mutilvera 13. Beasain 14. Cirbonero	Euskal Herria  Errioxa  Aragoi
2023-2024	Bilbao Athletic	Barakaldo	UD Logroñés	6. Deportivo Alaves B 7. Tudelano 9. Real Sociedad C 11. Gernika Kluba 12. Arenas 13. Izarra 14. Donibane 15. Mutilvera 17. Valle de Egüés	Euskal Herria  Errioxa  Aragoi

• igoera lortu zutenak
• play-offak jokatu ondoren mailari eutsi ziotenak
• maila galdu zutenak

Euskal taldeak II. multzoan kokatu dituzte Errioxako eta Aragoiko hainbat talderekin batera.

2023-24 denboraldia barne.