Helga Haase

Helga Haase berne as Helga Obschernitzki (Danzing-Schidlitz, 9 juny 1934 - Berlyn, 16 juny 1989) wie in East-Dútsk reedrydster.

Helga Haase
sporter
Helga Haase (1967)
persoanlike bysûnderheden
echte namme	Helga Haase
nasjonaliteit	East-Dútsk
bertedatum	9 juny 1934
berteplak	Danzing-Schidlitz
stjerdatum	16 juny 1989
stjerplak	Berlyn
sportive ynformaasje
sport	Reedriden
ûnderdiel	Langebaan
O.S.	Squaw Valley 1960, Innsbruck 1964
wichtige prestaasjes
1x goud Olympyske Spullen 1960 1x sulver Olympyske Spullen 1960

Net te betiizjen mei Hella Haasse, in Nederlânske skriuwster.

Sy die acht kear mei oan it Wrâldkampioenskip allround, en twa kear oan de Olympyske Winterspullen (yn 1960 en 1964). Se waard de earste froulike olympysk kampioene reedriden. Yn 1960 stie it reedriden foar it earst foar froulju op it programma by de Winterspullen, dy't hâlden waarden yn Squaw Valley. De earste ôfstân foar de froulju wie de 500 meter, dy't in proai waard foar de East-Dútske Haase. Op de 1000 meter heakke se der noch in sulveren medalje oan ta. By har twadde dielname oan de Winterspullen yn 1964 wie it fjirde plak op de 1000 meter har bêste resultaat. Sy waard ek tsien kear East-Dútsk allround kampioen. Yn 1984 gie Haase wurksum as boekhâldster by de Volkspolizei mei pensjoen fanwegen tanimmende lichaamlike beheiningen.

Helga Haase ferstoar op 16 juny 1989, yn 'e âldens fan 55 jier.