Sintraalspoarwei

It trajekt Utert - Amersfoart – Hattemerbroek waard iepene op 20 augustus 1863. In jier letter wie de bou fan de Iselspoarbrêge by Hattem ree en waard de spoarline trochlutsen nei Swol. Op 6 juny 1864 waard it trajekt offisjeel yn gebrûk naam. It oerbliuwende trajekt Swol – Kampen folge op 11 maaie 1865.De kosten foar de oanlis fan it lêste part waarden foar in part troch de NCS droegen en foar in part troch de gemeente Kampen. De gemeente Kampen lei sa'n ƒ300.000 yn. Foar dizze gigantyske som jild, dy't hast de helte fan 'e ynvestearringen dutsen, waard der oan 'e oare kant ôfpraat dat de treinen út Utert altyd trochrinne soene nei Kampen. Dit smiet yn de praktyk problemen op, trochdat men fanwegen de yndieling op it stasjon Swol kop meitsje moatte soe. Dat wie net frjemd foar stasjon Swol, oant de gearfoeging fan de Steatsspoarwegen en de NCS wie it in dûbeld kopstasjon, foar de rjochtingen stasjon Kampen - stasjon Utert-Sintraal en stasjon Arnhim Sintraal - stasjon Ljouwert. Al gau waard de line splitst yn in apart part Kampen – Swol en Swol – Utert. Yn 1919 naam de Steatsspoarwegen de eksploitaasje fan de NCS oer. De SS wie twa jier dêrfoar al in belangemienskip mei de HIJSM oangien. De NCS gie yn 1934 hielendal op yn de NS.

It trajekt Utert - Amersfoart waard yn 1942 elektrifisearre. Tsien jier letter wie ek it trajekt Amersfoart - Swol mei elektrysk materieel berydber. It trajekt Swol - Kampen waard net elektrifisearre en bleau in los lyntsje mei diseltraksje.

Yn de jierren tachtich en njoggentich binne der op parten fan it trajekt spoarferdûbelingen realisearre. De projekten kamen út it mar beheind útfierde Rail-21- plan fan de NS. De projekten waarden tusken 1988 oant 1998 yn fazen realisearre. It doel wie om de knyppunten yn de ferbining Utert – Amersfoart foar sawol intercityferkear as oare treintsjinsten ûndien te meitsjen. De trajekten binne hjirby fjouwersporich makke. Fierder waarden der ferskate ûngelikense krusingen en twa fly-overs boud. Troch dizze fly-overs kin it reguliere treinferkear by Blaukapel en Amersfoart Oansluting sûnder lykflierse krusings ôfwikkele wurde.

Bysûnder oan de spoarline is de "knik" dy't efkes foar stasjon Harderwyk yn de line leit. Dit is ien fan de skerpste bochten yn it Nederlânske spoarnet (sjoch ek it trajektkaartsje by dit artikel).

(kursyf: earder stasjon)

	Stasjon	Iepene	Hjoeddeistich gebou
	Utert Sintraal	1843	2012, 4e gebou, unyk ûntwerp fan Benthem en Crouwel.
	Utert Buertstasjon	1904	Gjin, gebou sloopt yn 1937, stasjon sletten yn 1937.
	Amsterdamsche Straatweg	1895	Gjin, stasjon sletten yn 1923
	Fechtbrêge	1895	Gjin, stasjon sletten yn 1923
	Utert Overvecht	1968	1995, 2e gebou, unyk ûntwerp fan arsjitekt Laboyrie.
	Blauwkapel	1895	Gjin, stasjon sletten yn 1928
	Groenekansche dijk	1863	Gjin, stasjon sletten
	Bilthoven	1863	1901, 2e gebou
	Den Dolder	1895	1e gebou
	Soestduinen	1863	1e gebou, NCS 2e klasse, stasjon sletten yn 1998
	De Vlasakkers	1895	Gjin, stasjon sletten yn 1938
	Amersfoart Sintraal	1901	1997, 2e gebou, unyk ûntwerp fan arsjitekt van Belkum.
	Amersfoart NCS	1863	1e gebou, NCS 1e klasse, stasjon sletten yn 1904
	Lytse Koppel	1905	Gjin, stasjon sletten yn 1938
	Bloemendaalscheweg	1901	Gjin, stasjon sletten yn 1905
	Amersfoart Schothorst	1987	1e gebou, unyk ûntwerp fan arsjitekt Bak.
	Liendert	1901	Gjin, stasjon sletten yn 1926
	Hooglanderveen	1863	Gjin, stasjon sletten yn 1938
	Amersfoart Vathorst	2006	1e gebou, unyk ûntwerp fan arsjitekt Megens.
	Hoevelaken	1905	Gjin, stasjon sletten yn 1938
	Slichtenhorst	1863	Gjin, stasjon sletten yn 1931
	Nijkerk	1863	1e gebou, NCS 1e klasse
	Diermen	1863	Gjin, stasjon sletten yn 1926
	Hooge Steeg	1863	Gjin, stasjon sletten yn 1930
	Bijsteren	1863	Gjin, stasjon sletten yn 1930
	Putten	1863	1929, 2e gebou, unyk ûntwerp fan arsjitekt Schelling.
	Volenbeek	1902	Gjin, stasjon sletten yn 1926
	Ermelo	1882	1897, 2e gebou
	Horst-Tonsel	1913	Gjin, stasjon sletten yn 1924
	Harderwyk	1863	1983, 2e gebou, unyk ûntwerp fan arsjitekt van der Gaast.
	Hulshorst	1863	1e gebou, lyts gebouke, stasjon sletten yn 1987
	Nieuw Groeneveld	1909	Gjin, stasjon sletten yn 1925
	Nunspeet	1863	1906, 2e gebou
	't Harde	1863	Gjin, gebou sloopt yn 2005
	Oldebroek	1863	Gjin, stasjon sletten yn 1869
	Wezep	1863	Gjin, gebou sloopt yn 2002
	Hattemerbroek	1863	Gjin, gebou sloopt yn 1975, stasjon sletten yn 1946.
	Swol	1864	1866, 2e gebou, type SS earste klasse
	Swol Stadshagen	2019	Gjin
	Mastenbroek	1865	Gjin, gebou sloopt yn 1970, stasjon sletten yn 1933.
	Kampen	1865	1911, 2e gebou,