Ruth Negga

Rugadh Negga i 1982 in Adas Ababa, an Aetóip,^[3] b'Éireannach í a mháthair, Norra, agus b'Aetópach é a hathair, an Dr. Negga. Bhuail a tuismitheoirí le chéile nuair a bhí a mháthair ag obair mar altra san Aetóip.^[4] Bhí cónaí ar Negga sa tír sin go dtí go raibh sí ceithre bliana d'aois. Is páiste aonair í. Fuair a hathair bás mar gheall ar thimpiste ghluaisteáin nuair a bhí sí seacht.^[5] Tógadh i Luimneach, Éire í, anois tá cónaí uirthi i Londain ó 2006.^[6][7]

Rinne Negga staidéar ag Ionad Samuel Beckett ag Coláiste na Tríonóide, Baile Átha Cliath,^[8] áit a bhain sí céim BA i Staidéar Aisteoireachta amach.^[9]

Rinne Negga a céad ról ar scáileán sa scannán Éireannaigh Capital Letters (2004), ag glacadh an phríomhróil mar Taiwo. Ghlac sí an phríomhróil mar Mary i Isolation an bhliain dár gcionn. Roimhe seo, bhí sí ag obair den chuid is mó san amharclann.^[10] Tar éis do aisteoireacht Negga a fheiceáil, d’athraigh an stiúrthóir Neil Jordan an script Breakfast on Pluto ionas go bhféadfadh sí a bheith sa scannán.^[11] Ina theannta sin, ba phríomhaisteoir í sa scannán Color Me Kubrick (2005), le John Malkovich, agus sna gearrscannáin The Four Horsemen, 3-Minute 4-Play agus Stars .  

Ar an teilifís ghlac Negga páirt in Dochtúirí, Criminal Justice agus sa tsraith Éireannaigh Love is the Drug. Ghlac sí an phríomhróil mar Doris "Sid" Siddiqi sa tsraith BBC Three Personal Affairs, in éineacht le Laura Aikman, Annabel Scholey agus Maimie McCoy.^[12] Léirigh Nessa an charactair Rosie sa chéad dá sraith de Love/Hate.^[11]

Rinne Negga páirt Dame Shirley Bassey i léiriú an BBC darb ainm Shirley sa bhliain 2011 agus bhuaigh sí gradam an IFTA Aisteoir is Fearr (Teilifís) as a cuid oibre. Ina measc a saothar amharclainne tá a cuid róil in Lacha, inTitus Andronicus agus in Lay Me Down Softly.^[13] Ó 2007 amach, thosaigh sí ag obair leis an ngrúpa amharclainne Éireannaigh Pan Pan Theatre. Sa bhliain 2010, rinne sí páirt Ophelia sa léiriú Hamlet san Amharclann Náisiúnta. Chomh maith leis sin, chuir sí a guth ar fáil san fhíschluiche, Dark Souls II, le haghaigh an róil Shanalotte, nó an "Emerald Herald" mar is fearr aithne uirthi.

Sa bhliain 2013, fógraíodh go raibh Negga curtha in áirithe le haghaidh ról reatha mar Raina sa tsraith theilifíse Meiriceánach Agents of S. H. I. E. L. D..^[14][15] Tá sí le feiceáil i 17 eipeasóid an chláir.^[11] Ghlac sí páirt sa scannánSteve McQueen 12 Years a Slave a bhuaigh gradaim Oscar, ach faoi dheireadh gearraíodh a ról as an scannán.^[16] I mí Márta 2015, fuair Negga an ról Tulip O'Hare sa tsraith drámaíochta Preacher de chuid AMC, a bhí ar an scáileán an bhliain ina dhiaidh sin.^[17]

Sa bhliain 2016, ghlac Negga an phríomhróil in Loving, a léiríodh den chéad uair i bhFéile Scannánaíochta Cannes 2016 agus ina dhiaidh sin ag Féile Scannánaíochta Idirnáisiúnta Toronto.^[11][18] Tá an scannán bunaithe ar fíorscéal na Lovings, lánúin pósta idirchiníoch i Virginia i rith na 1950idí agus na 1960idí, agus an cinneadh Supreme Court Loving v. Virginia mar thoradh a gcaidrimh. Fuair Negga ardmholadh le haghaidh a cuid oibre sa scannán seo,^{[11] [19]}agus thuill sí go leor ainmniúcháin, lena n-áirítear the Academy Award for Best Actress, the Golden Globe Award for Best Actress in a Motion Picture – Drama, agus the BAFTA Rising Star Award.^[20][21]

Bhí Negga i gcaidreamh leis an aisteoir Dominic Cooper ó 2010. Bhí an bheirt acu ina gcónaí le chéile i Londain ar Chnoc Primrose.^[11][22] Bhí siad ag siúl amach ar feadh sé bliana; ach chuir Negga in iúl gur thóg lucht an preas cúpla blianta chun foghlaim go raibh deireadh leis an gcaidreamh, leis an gcéad tuairisc i mí Aibreáin 2018.^[23][24] Tá Negga ag obair os coinne Cooper sa tsraith Preacher ar AMC, ina bhfuil léiríonn siad lánúin, agus dúirt sí gur dlúthchairde iad.^[24]

• Duck (mar Cat): Traverse Theatre, Dún Éideann (2003)
• Phèdre (mar Aricia): Amharclann Náisiúnta Ríoga, Londain (2009)
• Hamlet (mar Ophelia): Amharclann Náisiúnta Ríoga, Londain (2010/11)
• Playboy of the Western World (mar Pegeen Mike): Amharclann Old Vic, Londain (2011)
• Hamlet (mar Hamlet): Gate Theatre, Baile Átha Cliath (2018)

Bhí Nega ainmnithe mar an Most Promising Newcomer 2003 ag na gradaim Olivier.^[6] Bhí sí roghnaithe mar Shooting Star na hÉireann sa bhliain 2006 ag Féile Scannánaíochta Bheirlín.^[10] Fuair sí go leor gradaim le haghaidh a ról mar Mildred Loving sa scannán Loving, lena n-áirítear Academy Award, Critic's Choice, agus ainmnúcháin Golden Globe Award le haghaidh Best Actress.

1. ↑ "Ruth Negga" (en). www.goldenglobes.com. Dáta rochtana: 2019-03-14.
2. ↑ Donald Clarke. "Oscars 2017: Ruth Negga nominated for best actress award" (en). The Irish Times. Dáta rochtana: 2019-03-14.
3. ↑ "Africa from A to Z: Fast facts on the 55 states - South Africa Gateway". web.archive.org (2017-12-12). Cartlannaíodh an bunleathanach ar 2017-12-12. Dáta rochtana: 2019-03-14.
4. ↑ "'Always a star in the family': Ruth's Oscar bid". www.limerickleader.ie. Dáta rochtana: 2019-03-14.
5. ↑ "Ruth Negga, a star without a label - the European magazine ~ Cafebabel". web.archive.org (2009-05-29). Cartlannaíodh an bunleathanach ar 2009-05-29. Dáta rochtana: 2019-03-14.
6. ↑ ^{6.0 6.1} Phil Hoad (2006-01-08). "Rising star: Ruth Negga, actor" (en-GB). The Observer. Dáta rochtana: 2019-03-14.
7. ↑ Alan Owens, "Ruth réalta ar an ardú le BBC" Curtha i gcartlann 2014-01-06 ar an Wayback Machine, Limerick Leader, 20 Lúnasa 2011.
8. ↑ "Ruth Negga • Actriz" (es). Cineuropa - lo mejor del cine europeo. Dáta rochtana: 2019-03-15.
9. ↑ "BBC - Press Office - P.A.s cast have Secs Appeal on BBC Three". www.bbc.co.uk. Dáta rochtana: 2019-03-14.
10. ↑ ^{10.0 10.1} Cineuropa – Agallaimh – Ruth Negga, Aisteoir. Cineuropa.org.
11. ↑ ^{11.0 11.1 11.2 11.3 11.4 11.5} "How Oscar-tipped Ruth Negga's star has finally ascended..." (en). Independent.ie. Dáta rochtana: 2019-03-14.
12. ↑ "P. A. s caitheadh tá Ailt Achomharc a dhéanamh ar BBC Trí". BBC Oifig Phreas. 2 meitheamh 2008.
13. ↑ "National Theatre : Company Members : Ruth Negga". web.archive.org (2009-05-29). Cartlannaíodh an bunleathanach ar 2009-05-29. Dáta rochtana: 2019-03-15.
14. ↑ Nellie Andreeva, Nellie Andreeva (2013-09-18). "Jere Burns Upped On ‘Justified’, Michael Rispoli, Ruth Negga, Danielle Nicolet In Arcs" (en). Deadline. Dáta rochtana: 2019-03-15.
15. ↑ "Declassifying Marvel's Agents of S.H.I.E.L.D. Ep. 105: Girl in the Flower Dress | Avengers | News | Marvel.com". web.archive.org (2013-10-13). Cartlannaíodh an bunleathanach ar 2013-10-13. Dáta rochtana: 2019-03-15.
16. ↑ ^{16.0 16.1} Donald Clarke Cannes. "Negga’s ‘Loving’ performance already generating Oscar buzz" (en). The Irish Times. Dáta rochtana: 2019-03-15.
17. ↑ Patrick Cooper (2015-03-18). "First Casting Announcement for AMC’s “Preacher”!" (en-US). Bloody Disgusting!. Dáta rochtana: 2019-03-14.
18. ↑ "Ruth Negga portrays civil rights activist Mildred Loving". Toronto Star, 10 Mí na Samhna 2016, lth. E1.
19. ↑ "Bheadh Oscar tuillte go maith ag Ruth Negga" (ga-IE). Tuairisc.ie. Dáta rochtana: 2019-03-15.
20. ↑ Guardian film (2017-01-24). "Oscar nominations 2017: the full list" (en-GB). The Guardian. Dáta rochtana: 2019-03-15.
21. ↑ "Ruth Negga continues her successful award season run with yet another honour" (en). Independent.ie. Dáta rochtana: 2019-03-14.
22. ↑ "Irish actress Ruth Negga and Dominic Cooper make rare public appearance at Warcraft premiere" (en). Independent.ie. Dáta rochtana: 2019-03-15.
23. ↑ "Dominic Cooper, Ruth Negga Split After 8 Years Together" (en-US). Us Weekly (2018-04-05). Dáta rochtana: 2019-03-14.
24. ↑ ^{24.0 24.1} Marie Claire (2018-08-08). "Ruth Negga Talks Diversity, Hamlet And Her Split From Dominic Cooper" (en-US). Marie Claire. Dáta rochtana: 2019-03-15.
25. ↑ "RTS Programme Awards 2012" (en). Royal Television Society (2012-09-05). Dáta rochtana: 2019-03-15.