Gran Premio de Austria de 1986

O Gran Premio de Austria de 1986 foi unha carreira do Campionato do Mundo Fórmula 1 celebrada no Circuíto de Österreichring o 17 de agosto de 1986. Foi a décimo segunda carreira da tempada de Fórmula Un de 1986, o 19º Gran Premio de Austria e o décimo sétimo que se celebrou en Österreichring. A carreira levouse a cabo sobre 52 voltas ao circuíto de 5´942 quilómetros para unha distancia total de carreira de 309 quilómetros.

Gran Premio de Austria de 1986

Detalles da carreira
Carreira 12 de 16 no Campionato Mundial de Fórmula 1 de 1986.
Trazado do circuíto de Österreichring.
Data	17 de agosto de 1986
Nome oficial	XIX Holiday Großer Preis von Österreich
Localización	Circuíto de Österreichring, Spielberg, Estiria, Austria
Percorrido	Percorrido permanente de carreira 5´942 km
Distancia	52 voltas, 308´984 km
Clima	Seco
Pole position
Piloto	Teo Fabi	Benetton-BMW
Tempo	1:23.549
Volta rápida
Piloto	Gerhard Berger	Benetton-BMW
Tempo	1:29.444 na volta 49
Podio
Primeiro	Alain Prost	McLaren-TAG
Segundo	Michele Alboreto	Ferrari
Terceiro	Stefan Johansson	Ferrari

Sorprendentemente Teo Fabi e Gerhard Berger dous pilotos do aínda relativamente novo pero emerxente equipo Benetton-BMW cualificaron na primeira fila.

Na saída Gerhard Berger tomou o liderado por un tempo, o seu compañeiro de equipo Teo Fabi finalmente acadou o liderado de Berger por uns 5-6 segundos na Bosch-Kurve, o motor BMW do coche de Fabi fallou logo de pasar a Berger e Berger inmediatamente retomou a dianteira a través da Bosch-Kurve. Berger tivo que entrar en boxes e perdeu 4 voltas reparando un problema coa súa batería.

Derek Warwick non puido arrincar. Nas probas pola mañá, a caixa de cambios do seu Brabham rompeuse, o que sobre-acelerou o BMW. O coche foi reparado, cambiouse a culata do BMW, e Warwick ocupou o seu lugar na grella. Cando Riccardo Patrese colocouse no seu lugar na grella, a caixa de cambios do seu coche rompeuse deixándoo sen a 2ª ou 3ª marcha. Como o coche de Patrese era de feito o de reposto desde que se estrelara co seu coche de carreiras e que logo fora destruído polo lume na cualificación, como piloto máis veterano e tamén como o cualificador máis rápido dos dous, a dirección do equipo tomou a decisión de entregar o coche de Warwick a Patrese para a carreira. Warwick máis tarde admitiu que o dono do equipo Bernie Ecclestone tivo que arrastrar fisicamente do coche, xa que se negou a entregalo. Patrese retirouse inmediatamente da proba logo de só dúas voltas. O Campión do Mundo de 1976 James Hunt definiu nun comentario á televisión, unha carreira miserable para Brabham.

Malia os problemas de Brabham, o circuíto de Österreichring coa súa falta de curvas lentas mostrou a potencia dos motores BMW e o valor da aerodinámica de liña baixa do BT55 sendo o coche de Warwick o máis rápido no control de velocidade (achegándose á Bosch-Kurve) a 344 km/h durante a cualificación.