Gran Premio de Francia de 1971

A carreira levouse a cabo por primeira vez no novo circuíto de Paul Ricard nas montañas das aforas de Marsella. Jackie Stewart gañou a pole position seguido de Clay Regazzoni, Jacky Ickx e Graham Hill. Stewart distanciouse de Regazzoni, Pedro Rodríguez e Jean-Pierre Beltoise, mentres que Ickx foi golpeado na primeira chicane e descolgouse. Stewart lideraba por diante, establecendo a volta rápida na volta 2 e sacando unha vantaxe de 10 segundos na volta 7. O seu único rival real Regazzoni, patinou nunha mancha de aceite e golpeou na varanda, rompendo unha roda na volta 20. Na volta 28 Rodríguez retirouse cunha bobina defectuosa, deixando ós Tyrrells nunha formación 1-2, con François Cevert demostrando a súa valía na súa terra natal. Hill deixou a quinta posición cun tubo de aceite roto, tras tocar previamente a varanda mentres evitaba a Regazzoni.

Isto deixou a Jo Siffert no terceiro lugar, mantendo a raia a Emerson Fittipaldi, quen se atopaba dorido e vendado logo dun accidente de tráfico. Malia iso, o brasileiro tomou a terceira posición na volta 39. Siffert retomou a posición brevemente, pero Fittipaldi mantívose para o podio final por diante do suízo. Chris Amon quedou quinto nunha actuación pouco convincente do equipo de casa Matra, loitou con Tim Schenken ata que se lle acabou o combustible a 6 voltas do final.

Foi un éxito 1-2 para os Tyrrells nun circuíto complicado, o motor Ford proporcionou potencia extra pola longa recta Mistral.

Esta ía ser a última carreira de Fórmula Un de Pedro Rodríguez. Morreu unha semana despois, mentres conducía un Ferrari 512 privado nunha carreira en Norisring en Alemaña.

• Derradeira carreira: Pedro Rodríguez

• "The Official Formula 1 website". Consultado o 2008-01-19. 

Clasificación no campionato de pilotos Pos Piloto Puntos 1 Jackie Stewart 33 2 Jacky Ickx 19 3 Mario Andretti 9 4 Pedro Rodríguez 9 5 Ronnie Peterson 9

Clasificación do campionato de construtores Pos Construtor Puntos 1 1 Tyrrell-Ford 33 1 2 Ferrari 28 3 BRM 12 4 March-Ford 9 2 5 Lotus-Ford 9

• Nota: Só están incluídos os cinco primeiros postos en ambos os grupos de clasificación.

• "The Official Formula 1 website". Consultado o 2008-01-19.