Gran Premio de Italia de 1959

A carreira foi gañada polo piloto británico Stirling Moss pilotando un Cooper T51 para o equipo privado Rob Walker Racing Team. Moss gañou por 46 segundos sobre o piloto americano Phil Hill que pilotaba un Ferrari Dino 246 da Scuderia Ferrari. O líder do campionato o australiano Jack Brabham terminou terceiro nun Cooper de fábrica modelo T51, ampliando a súa vantaxe nos puntos, pero non o suficiente como para evitar un enfrontamento polo campionato con Moss e o piloto de Ferrari Tony Brooks na última carreira da tempada, o GP dos Estados Unidos.

O peso dos coches foi foi o factor decisivo para gañar a carreira, Stirling Moss gañou a carreira sen ter que cambiar os pneumáticos do seu coche, o pequeno e lixeiro Cooper, aínda que fixo unha parada en boxes. Stirling fixo unha carreira prudente, confiando en que os pilotos de Ferrari necesitarian entrar en boxes. Tony Brooks fixo unha boa saída, pero un fallo nun pistón eliminouno na primeira volta. Graham Hill e Dan Gurney lideraron a carreira, pero perderon as súas vantaxes logo dunhas longas paradas en boxes. Moss continuou liderando a unha velocidade media de 200 quilómetros por hora, unha nova marca. Phil Hill foi o segundo con Ferrari no seu circuíto, e os seus compañeiros de Ferrari foron 4-5-6 nesta orde, Gurney, Cliff Allison e Olivier Gendebien.

A vitoria de Moss pechou a brecha no campionato a só 5 puntos e medio por detrás de Jack Brabham e Brooks a oito puntos detrás de Brabham. Os esforzos combinados de Brabham, Moss, Maurice Trintignant, Bruce McLaren e Masten Gregory conseguiron o campionato de construtores para Cooper Car Company.

Clasificación no campionato de pilotos Pos Piloto Puntos 1 Jack Brabham 31 1 2 Stirling Moss 25.5 1 3 Tony Brooks 23 4 Phil Hill 20 3 5 Dan Gurney 13

Clasificación do campionato de construtores Pos Construtor Puntos 1 Cooper-Climax 38 (45) 2 Ferrari 32 (34) 3 BRM 18 4 Lotus-Climax 3

• Notas: Só están incluídos os cinco primeiros postos en ambos os grupos de clasificación. Só os 5 mellores resultados contan para o Campionato. Os números sen paréntese son os puntos do campionato, os números entre paréntese son o total de puntos anotados.