Gran Premio do Reino Unido de 1996

O Gran Premio do Reino Unido de 1996 foi unha carreira de motor de Fórmula 1 celebrada o 14 de xullo de 1996 no Circuíto de Silverstone, Silverstone, Northamptonshire, Inglaterra. Foi a décim rolda da tempada de Fórmula Un de 1996. A carreira de 61 voltas gañouna o Williams de Jacques Villeneuve que logrou a súa segunda vitoria da tempada diante de Gerhard Berger, no Benetton, o McLaren de Mika Häkkinen chegou no terceiro lugar, o seu primeiro podio desde o seu accidente case mortal no Gran Premio de Australia de 1995. Rubens Barrichello tomou a cuarta posición, igualando o seu mellor final da tempada. Os puntos finais foron para David Coulthard no segundo McLaren e Martin Brundle no segundo Jordan.

Gran Premio de Reino Unido de 1996

Detalles da carreira
Carreira 10 de 16 no Campionato Mundial de Fórmula 1 de 1996.
Trazado do circuíto de silverstone (modificado en 1996)
Data	14 de xullo de 1996
Nome oficial	XLVIX British Grand Prix
Localización	Circuíto de Silverstone, Silverstone, Reino Unido
Percorrido	Percorrido permanente de carreira 5´072 km
Distancia	61 voltas, 309´392 km
Clima	Cálido e asollado con temperaturas que alcanzaron os 25 °C[1]
Pole position
Piloto	Damon Hill	Williams-Renault
Tempo	1:26.875
Volta rápida
Piloto	Jacques Villeneuve	Williams-Renault
Tempo	1:29.288 na volta 29
Podio
Primeiro	Jacques Villeneuve	Williams-Renault
Segundo	Gerhard Berger	Benetton-Renault
Terceiro	Mika Häkkinen	McLaren-Mercedes

Damon Hill logrou a pole position na súa carreira na casa, pero comezou lentamente e retirouse pouco antes da metade da carreiraa, despois de que un problema coa porca da roda o fixera trompear na curva Copse cando intentaba pasar a Häkkinen.^[2] Por terceira carreira consecutiva, os pilotos da Scuderia Ferrari, Michael Schumacher e Eddie Irvine, foron obrigados a retirarse con problemas técnicos nas primeiras seis voltas, Schumacher con problemas hidráulicos e Irvine cunha falla no diferencial.