Jorge Mistral

Despois de abandonar prematuramente a súa carreira de Dereito, decidiu dedicarse ao teatro onde empezou a desenvolver o rol de galán, que non abandonou en toda a súa carreira. Sucesivamente integrouse nas compañías de teatro de José Rivero, Ana Adamuz e Josita Hernán.

Debutou no cine en 1944 na película La llamada de la mar do director José Gaspar. Firmou nese momento un contrato en exclusiva coa que entón era a produtora máis potente do país: Cifesa.

En 1949 fixo a súa primeira xira teatral por Hispanoamérica, onde tivo moito éxito e pasou a desenvolver gran parte da súa carreira como actor, sobre todo en México.

Nás décadas de1940 e 1950 participou nalgúns dos filmes españois máis populares, como Pequeñeces, Locura de amor (con Aurora Bautista e Fernando Rey), a versión de 1952 de La hermana San Sulpicio (con Carmen Sevilla) e un dos maiores éxitos de Sara Montiel: Carmen la de Ronda. Na década de 1960 tentou dar o salto á realización coas películas La fiebre del deseo (1964) e La piel desnuda (1964).

O 21 de abril de 1972 suicidouse en México, despois dun período depresivo, agravado por un cancro duodenal que padecía desde había un tempo, cando se achaba realizando a telenovela mexicana Hermanos Coraje, que se transmitía por Televisión Independiente de México (TIM).^[2]

• La fiebre del deseo (1966).
• La piel desnuda (1966).
• Crimen sin olvido (1968).

• Ficha de Jorge Mistral en IMDb (en inglés)
• Wikimedia Commons alberga unha categoría multimedia sobre Jorge Mistral.