Romanía nos Xogos Olímpicos

Romanía participou por vez primeira nos Xogos Olímpicos en 1900, contando daquela cun só participante. O Comité Olímpico Nacional de Romanía foi creado e recoñecido en 1914. O país enviou o seu primeiro equipo aos Xogos de 1924, e dende entón só perdeu dúas edicións dos Xogos de Verán e de Inverno. Romanía foi o único país do bloque do leste que participou nos 1984, os cales foron boicoteados polos outros países da esfera soviética. Eses Xogos foron ademais os máis exitosos para Romanía, gañando 20 medallas de ouro e un total de 53 medallas.