The Gathering

The Gathering é unha banda neerlandesa de rock alternativo, fundada no ano 1989 polos irmáns Hans e René Rutten e o vocalista Bart Smits na pequena cidade de Oss.

The Gathering
Orixe	Oss, Países Baixos
Período	1989 - actualidade
Xénero(s)	primeiros traballos: death/doom, metal gótico, metal progresivo últimos traballos: rock progresivo, rock alternativo, trip rock
Selo(s) discográfico(s)	Century Media, Psychonaut, Hammerheart, Sanctuary, The End, Foundation 2000
Membros	Silje Wergeland René Rutten Hugo Prinsen Geerling Hans Rutten Frank Boeijen
Antigos membros	Anneke van Giersbergen Niels Duffhues Jelmer Wiersma Martine van Loon Bart Smits Marike Groot Marjolein Kooijman
Na rede
gathering.nl

Os primeiros lanzamentos de The Gathering caracterízanse por un death/doom metal atmosférico, inspirado por artistas do underground como Celtic Frost e Hellhammer. A entrada no grupo da vocalista Anneke van Giersbergen en 1994 marcou unha evolución no estilo musical de The Gathering, aproximándose máis cara estilos como o shoegaze, o post rock, o rock experimental e os sons máis etereos das bandas do selo 4AD, como Dead Can Dance ou Cocteau Twins, ademais de grupos como Pink Floyd e Massive Attack. O seu son adquirría características ro rock progresivo o rock alternativo e o trip rock, aumentando o seu éxito e recoñecemento fóra de Europa.

En agosto do ano 2007 Anneke van Giersbergen deixou a banda para centrarse no seu proxecto en solitario Agua de Annique. O 12 de marzo do 2009 The Gathering anunciou que a súa substituta sería a vocalista Silje Wergeland (ex-Octavia Sperati).