Tour de Francia 2005

O Tour de Francia 2005 foi a 92ª edición da carreira ciclista máis importante do mundo. O seu percorrido comezou o 2 de xullo na localidade de Fromentine (departamento de Vendée) e rematou o 23 de xullo en París.

Tour de Francia 2005

Tipo	Tour de Francia
Deporte	ciclismo en ruta
Parte de	UCI ProTour de 2005 (pt)
Distancia do evento	3.607 km
Lugar de saída	Fromentine
Liña de meta	París
Número de participantes	189, inicio 155, final
Participantes
2005 AG2R Prévoyance (en) , 2005 Bouygues Telecom (en) , 2005 Cofidis (en) , 2005 Crédit Agricole (en) , Davitamon-Lotto 2005, 2005 Discovery Channel (en) , Domina Vacanze-De Nardi 2005 (en) , Euskaltel-Euskadi 2005, 2005 Fassa Bortolo (en) , Gerolsteiner 2005 (en) , Illes Balears-Caisse d'Épargne 2005 (en) , La Française des jeux 2005, Lampre-Caffita 2005, 2005 Liberty Seguros-Würth (en) , 2005 Liquigas-Bianchi (en) , 2005 Phonak (en) , 2005 Quick Step-Innergetic (en) , Rabobank 2005, 2005 Saunier Duval-Prodir (en) , T-Mobile Team 2005 (en) e CSC 2005
Localización  e  Datas
País	Francia, España e Alemaña
Intervalo de tempo	2 de xullo de 2005 – 24 de xullo de 2005
Número de edición	92
Competición
Gañador da clasificación xeral	non outorgado→declarado deserto
Segundo da clasificación xeral	Ivan Basso
Terceiro da clasificación xeral	non outorgado→declarado deserto
Gañador da clasificación da montaña	Michael Rasmussen
Gañador da clasificación por puntos	Thor Hushovd
Vencedor da classificação dos jovens	Yaroslav Popovych
Vencedora da classificação por equipas	T-Mobile
Winner of the most combative rider	Óscar Pereiro
Outro
Páxina web oficial	letour.fr…
← 2004 2006 →

Os equipos participantes foron 21, o número de ciclistas que comezaron a carreira foi de 189 (9 por equipo), dos cales remataron 155. Óscar Pereiro do equipo Phonak e Marcos Serrano do equipo Liberty Seguros foron os 2 únicos ciclistas galegos que participaron na proba, cunha salientable actuación, xa que ámbolos dous foron quen de gañar unha etapa.^[1][2]

A carreira presentaba como gran favorito ó ciclista norteamericano Lance Armstrong, do equipo Discovery Channel, quen xa gañara as 6 edicións anteriores do Tour de Francia, mentres que como principais alternativas presentaba ó italiano Ivan Basso, ós alemáns Jan Ullrich e Andreas Kloden, e ó casaco Alexander Vinocurov.

Lance Armstrong colleu o maillot amarelo na cuarta etapa, unha contra o reloxo por equipos de 67'5 quilómetros, e xa non o deixou até a meta de París salvo por un día que o colleu o alemán Jens Voigt. O podio dos Campos Elisios estivo formado por Lance Armstrong, Ivan Basso e Jan Ullrich.

No ano 2012, como consecuencia das investigacións realizadas na Operación Puerto, a Jan Ullrich fóronlle retirados tódolos resultados deportivos obtidos a partir de maio do ano 2005, acusado de realizar prácticas prohibidas para mellorar a súa condición física, como transfusións de sangue.^[3] Tamén no ano 2012, Lance Armstrong foi sancionado pola UCI coa retirada de tódolos seus resultados deportivos obtidos a partir de 1998 como condena por formar parte dunha trama de dopaxe.^[4] A mesma condena afectou ós seus compañeiros de equipo David Zabriskie, George Hincapie e Levi Leipheimer. Deste xeito, o podio da edición 2005 do Tour de Francia quedou sen gañador, e o 3º posto pasou a estar ocupado polo español Francisco Mancebo, que rematara 4º na clasificación xeral.