મે ૨૧

૨૧ મેનો દિવસ ગ્રેગોરીયન પંચાંગ મુજબ વર્ષનો ૧૪૧મો (લિપ વર્ષ દરમ્યાન ૧૪૨મો) દિવસ છે. આ દિવસ પછી વર્ષ પુરું થવામાં ૨૨૪ દિવસ બાકી રહે છે.

મહત્વની ઘટનાઓ

૧૯૨૭ – ચાર્લસ લિંડબર્ગએ 'લા બુર્ગેટ ફિલ્ડ',પેરિસમાં ઉતરાણ કર્યું. તેમણે અવિરામ એકલ ઉડાન દ્વારા પ્રથમ વખત એટલાન્ટીક મહાસાગર પાર કર્યો.
૧૯૩૨ – ખરાબ હવામાનને કારણે 'એમિલિયા એરહાર્ટ'ને ઉત્તર આયર્લેન્ડના પાસ્ચરમાં ઉતરાણ કરવું પડ્યું તો પણ તે એકલ અવિરામ ઉડાન દ્વારા એટલાન્ટીક મહાસાગર પાર કરનાર પ્રથમ મહિલા બની.
૧૯૩૭ – આર્કટિક મહાસાગર (Arctic Ocean)ના તરતા બરફ (drift ice) પર, 'સોવિયેત સ્ટેશન' નામનું પ્રથમ વૈજ્ઞાનિક સંશોધન કેન્દ્ર બન્યું.
૧૯૯૧ – ભારતના ભૂતપૂર્વ વડાપ્રધાન રાજીવ ગાંધીની મદ્રાસ નજીક 'શ્રી પેરામ્બદુર'માં, મહિલા આત્મઘાતી બોમ્બર મારફત હત્યા કરાઇ.
૧૯૯૮ – 'સુહાર્તો' (Suharto), ઇન્ડોનેશિયાના સરમુખત્યારે ૩૨ વર્ષનાં શાસન બાદ રાજીનામું આપ્યું.
૨૦૦૪ – શેરપા પેમ્બા દોરજીએ ૮ કલાક અને ૧૦ મિનિટમાં એવરેસ્ટ સર કર્યો. અને તેમના નજીકનાં હરીફ શેરપા લાક્પા ગેલુનો ગત વર્ષનો કિર્તિમાન વટાવ્યો.

જન્મ

૧૯૧૫ – ચક્રવર્તી વી. નરસિંહા, ભારતીય નાગરિક સેવા અધિકારી અને યુએનના ભૂતપૂર્વ અંડર સેક્રેટરી જનરલ (અ. ૨૦૦૩)
૧૯૬૦ – મોહનલાલ (Mohanlal), અભિનેતા
૧૯૭૪ – અદિતિ ગોવિત્રીકર, ભારતીય મોડેલ, અભિનેત્રી અને ચિકિત્સક, મિસીસ વર્લ્ડ ૨૦૦૧

અવસાન

૧૯૯૧ – રાજીવ ગાંધી (Rajiv Gandhi), ભારતના વડાપ્રધાન (જ. ૧૯૪૪)
૨૦૨૧ – સુંદરલાલ બહુગુણા, ભારતીય પર્યાવરણવાદી અને ચિપકો ચળવળના નેતા. (જ. ૧૯૨૭)

તહેવારો અને ઉજવણીઓ

આંતરરાષ્ટ્રીય ચા દિવસ.
સાંસ્કૃતિક વિવિધતા માટે સંવાદ અને વિકાસ દિવસ (World Day for Cultural Diversity for Dialogue and Development)

બાહ્ય કડીઓ

બી.બી.સી.(BBC): આજનો દિવસ