Մամլակ

Մամլակ, փականագործի կամ ատաղձագործի գործիք, որը օգտագործվում է մանրամասը սեղմելու և պահելու նպատակով, և վերջինիս վրա աշխատանք կատարելու համար՝ սղոցելու, շաղափելու, ռանդելու, շուշաթղթելու, ծռելու և այլն։

Մամլակը բաղկացած է երկու զուգահեռ շուրթերից, որոնցից մեկը սովորաբար անշարժ է (իրան), իսկ մյուսը շարժական։ Սրանց միջև սեղմվում է մանրամասը։ Մամլակի շուրթերի իրար մոտեցումն ու սեղմումը կատարվում է պտուտակի միջոցով կամ արտակենտրոնակի բռնակը ձեռքով, սեղմված օդով (պնևմատիկ) կամ հեղուկով (հիդրավլիկական) պտտելով։ Մամլակը կարող է եռակցված լինել սեղանին, հեղույսներով ձգված լինի կամ կրելի տարբերակի դեպքում պտուտակով սեղմվի սեղանին։

Մամլակները արտադրվում են տարբեր նյութերից։ Փականագործինը սովորաբար մետաղից, ատաղձագործինը՝ փայտից։

Սա մեքենաշինությանը վերաբերող անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 194)։