Քրիստիանա Կուբրիկ
Քրիստիանա Կուբրիկ (ի ծնե՝ անգլ.՝ Christiane Susanne Harlan, մայիսի 10, 1932[1], Բրաունշվայգ, Վայմարյան Հանրապետություն[2]), գերմանացի դերասանուհի, պարուհի, նկարչուհի և երգչուհի։ Ծնվել է թատերական ընտանիքում։ 1958 թվականից մինչև ամուսնու մահը՝ 1999 թվականը, ամուսնացած է եղել ռեժիսոր Սթենլի Կուբրիկի հետ։
| Քրիստիանա Կուբրիկ գերմ.՝ Christiane Kubrick | |
|---|---|
| Ծնվել է | մայիսի 10, 1932[1] (92 տարեկան) |
| Ծննդավայր | Բրաունշվայգ, Վայմարյան Հանրապետություն[2] |
| Քաղաքացիություն |  Գերմանիա |
| Մասնագիտություն | դերասանուհի, երգչուհի, նկարչուհի և կինոդերասանուհի |
| Ամուսին | Սթենլի Կուբրիկ |
| Երեխաներ | Վիվիան Կուբրիկ |
| Կայք | christianekubrick.com |
Կենսագրություն
խմբագրելՔրիստիանա Հառլանը ծնվել է Գերմանիայում, 1932 թվականին, օպերային երգիչ Ֆրից Մորից Հառլանի և օպերային երգչուհի Ինհեբորգ Հառլանի դուստրն է, ռեժիսոր Ֆայթ Հառլանի զարմուհին է։ Ուսանել է դերասանական արվեստ և գործունեության սկզբում նշանակալի հաջողություններ է ունեցել թատերական բեմում։
1957 թվականին փոքր դեր է խաղացել Սթենլի Կուբրիկի «Փառքի արահետներ» ֆիլմի եզրափակիչ մասում։ Ֆիլմը նկարահանվել է Գերմանիայում։ Լուսագրերում նրա անունը գրվել է որպես Սյուզաննա Քրիստիան[3][4]։ Նկարահանումներից կարճ ժամանակ անց դերասանուհին և ռեժիսորն ամուսնացել են։ Նրանք ունեցել են երկու դուստր՝ Անյան և Վիվիանը։ Քրիստիանան ունի ևս մեկ դուստր՝ Կատարինան, որը նրա առաջին ամուսնությունից է։ Անյան 2009 թվականին 50 տարեկանում մահացել է քաղցկեղից[5]։
Ամուսնությունից հետո Հառլան-Կուբրիկը հեռացել է դերասանական գործունեությունից՝ իրեն նվիրելով գեղանկարչության պարապմունքներին։ Նրա եղբայր Յան Հառլանը եղել է Կուբրիկի բոլոր ֆիլմերի պրոդյուսերը «Բարրի Լինդոն» ֆիլմից (1975) հետո։ 1999 թվականին՝ Կուբրիկի մահից հետո, Յան Հառլանը դարձել է «Սթենլի Կուբրիկ։ Կյանք ֆիլմերում» վավերագրական ֆիլմի ռեժիսորը, որին Քրիստիանան լիարժեք մասնակցություն է ունեցել[6]։ Սակայն նախագիծը ավարտին չի հասցվել։
Ծանոթագրություններ
խմբագրել- ↑ 1,0 1,1 filmportal.de — 2005.
- ↑ 2,0 2,1 2,2 Deutsche Nationalbibliothek Record #1062159055 // Gemeinsame Normdatei (գերմ.) — 2012—2016.
- ↑ Christiane Kubrick(անգլ.) ֆիլմը Internet Movie Database կայքում
- ↑ Christiane Kubrick: 'I flinch at those stories about crazy Stanley' | Film | The Observer
- ↑ Christiane Kubricκ in the Internet Movie Database
- ↑ Stanley Kubrick: A Life in Pictures in the International Movie Database
Արտաքին հղումներ
խմբագրել- Official Website
- Interview of Christiane Kubrick in The Guardian, 10 August 2010