Diego Maradona

Diego Armando Maradona (30 octobre 1960 - 25 novembre 2020) esseva un jocator e gerente de football professional argentin. Ille sovente es reguardate como un del jocatores le plus bon de omne tempore.

Diego Maradona
Sexo	mascule
Nascentia	1960-10-30 (Lanús)
Decesso	2020-11-25 (Dique Luján)
Causa de decesso	Arrestation cardiac
Loco de reposo	Jardín Bella Vista[*]
Supernomine	El Pibe de Oro
Citatania	Argentina
Occupation	association football player[*], association football coach[*], actor[*]
Conjuge	Claudia Villafañe[*]
Infantes	Dalma Maradona[*], Gianinna Maradona[*], Diego Sinagra[*]
Fratres/sorores	Raúl Maradona[*], Hugo Maradona[*]
Premios	World Cup Golden Ball[*], L'Équipe Champion of Champions[*], FIFA Player of the Century[*], diamond Konex award[*]
Lingua	italiano, espaniol
Signatura
Identificatores
ISNI	0000000108861081
VIAF	34444144
IMDB	nm0544764
Commons	Diego Maradona

Le vision, passada e direction del balla e habilitate de Maradona se combinava con su parve statura (1,65 metros), que dava le un centro de gravitate basse, permittente le manovrar plus ben que altere jocatores de football; ille soleva preterir plure jocatores opponente in un curso. Su presentia e commando sur le campo multo afficeva le effectivitate general de su equipa, e ille era sovente visate per le opposition.

Un talento precoce, Maradona recipeva le nomine "El Pibe de Oro" ("Le Puero Auree"), un nomine que ille reteneva per su tote carriera. Ille era anque un character inquiete, qui era interdicte in e 1991 e 1994 pro abusar drogas.

Un jocator qui operava in le position classic numero 10, Maradona era le prime jocator in le historia de football que establiva le record mundial de transferentia duo vices: prime vice quando ille se transfereva a Barcelona pro £5 million, e secunde vice quando ille se transfereva a Napoli pro £6,9 million. Ille jocava pro le clubes Argentinos Juniors, Boca Juniors, Barcelona, e Napoli ubi ille ganava numerose premios.

In su carriera international con Argentina, ille jocava 91 vices e faceva 34 goales. Maradona jocava in quatro Cuppas del Mundo de FIFA, includente le Cuppa del Mundo de 1986 in Mexico, ubi ille capitanava Argentina e duceva les a victoria super West-Germania in le final, e ganava le Balla Auree como le plus bon jocator del torneo.

In le quarte-final del Cuppa del Mundo de 1986, ille faceva ambe goales in un victoria 2-1 super Anglaterra que entrava le historia de football pro duo differente rationes. Le prime goal era un infringimento impenalisate de manipulation cognite como "Mano de Deo", e le secunde goal sequeva un curso de 60 m preter cinque jocatores de Anglaterra, votate "Goal del Seculo" in 2002.

Maradona deveniva le gerente del equipa national de football de Argentina in novembre 2008. Ille dirigeva le equipa al Cuppa de Mundo de 2010 in Africa del Sud, ante partir al fin del torneo.