Kacang ijo
| Kacang Ijo | |
|---|---|
.jpg) | |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Fabales |
| Famili: | Fabaceae |
| Génus: | Vigna |
| Spésies: | V. radiata |
| Jeneng binomial | |
| Vigna radiata (L.) R. Wilczek | |
| Sinonim | |
| |
|synonyms_ref = [1]}}
Kacang ijo kang ing Basa Indonésia diarani kacang hijau kalebu salah sawijining jinis polong-polongan.[2] Sanajan regané murah, pranyata akèh zat gizi lan antioksidan kang migunani kanggo kasehatan.[3] Zat kang ana ing kacang ijo ya iku protéin, kalsium lan fosfor, vitamin B1, vitamin B2, Vitamin É, zat besi, lan magnésium.[3]
Kandutan
besutKacang ijo lan kecambahé dadi panganan sing duwé mupangat gedhé kanggo awak amarga kacang ijo duwé dat-dat kaya ing ngisor iki.[4]
- Protein dhuwur. Protein sing ana ing kacang ijo nganti 24%.
- Kalsium lan fosfor sing wigati kanggo nguataké balung.
- Rendah lemak. Lemak sing ana ing kacang ijo yakuwi 73% asam lemak tak jenuh lan 27% asam lemak jenuh.
- Vitamin B1 sing wigati kanggo nyegah lelara beri-beri lan apik kanggo pertumbuhan.
- Vitamin B2 sing wigati kanggo penyèrapan protéin
- Vitamin E kanggo ngundhakaké kesuburan[5]
Kandhutan sing ana ing kacang ijo per 100 gram ya iku:[6]
- Protéin (g) 24,0
- Lemak (g) 1,3
- Karbohidrat (g) 56,7
- Kalsium (mg) 124
- Fosfor (mg) 326
- Vitamin B1 (mg) 0,47
- Vitamin B2 (mg) 0,39
Kasiyat
besutOra kaya janganan liya sing saya suwé digodhog kasiyaté saya mudhun.[7] Kacang ijo ora ngalami prakara sing kaya mangkono.[7] Kasiyaté kacang ijo isih tetep sanajan digodog terus=terusan.[7]Macem-macem kasiyat kacang ijo ya iku bisa nguwataké balung, bisa kanggo nambani lelara beri-beri, TBC, kukul, flék ireng ing kulit, lsp.[7]
Jinis
besutIng ngisor iki ana 11 jinis ramuan kacang ijo kang apik kanggo kaséhatan.[8]
Nglancaraké seniBahan: 30 gram kacang ijo, 30 gram godhong séndok, 400 cc banyu, madu sacukupé
Cara gawé:1. Godhog kacang ijo lan godhong sendok ing banyu kanthi ukuran 400 cc.2. Masak nganti mateng.3. Ademké, tambahi madu sacukupé.4. Ombe teratur nganti uyuh lancar menéh.
Lara wetengBahan: 60 gram kacang ijo mentah, 15 wiji merica, 3 gram kayu legi, 3 gram pala, 3 gram kapulaga, 3 gram cengkèh, 2 ruas jahe, 1 liter banyu.
Cara gawé:
- Godhog kacang ijo, merica, kayu legi, pala, kapulaga, cengkèh, lan jahe ing saliter banyu.
- Godhog nganti dadi 1/2 liter.
- Ademké banjur diombé.
Biang keringat anak-anakBahan: 60 gram kacang ijo, 50 gram krokot, banyu sacukupé.
Cara gawé:
- Giling utawa deplok kacang ijo nganti dadi bubuk.
- Godhog bubuk kacang ijo karo krokot.
- Sawisé mateng, saring, banjur ombé sadina ping telu.
UdunBahan: 50 gram kacang abang, 50 gram kacang ijo, 50 gram kacang ireng, 2 ruas jahé, madu sacukupé.
Cara gawé:
- Godhog kacang abang, kacang ijo, lan kacang ireng bareng.
- Jahe digodhog, nanging didhéwékaké.
- Banyu godhogan jahé dicampur godhogan kacang-kacangan mau.
- Ramuan iki kanggo udun sing durung mateng. Yén udune wis mateng kudu ditambah madu.
Ngundakaké gairah séksual wong lanang.Bahan: 30 gram kacang ijo, 2 ruas jahé, 15 gram merica, 15 gram adas, 15 gram pulosari, 15 gram kucai, 15 gram biji paria, 15 gram biji ketumbar, 600 cc jahe
Cara gawé:
- Godhog kacang ijo bebarengan karo jahé, merica, adas, pulosari, biji kucai, biji paria, lan wiji ketumbar karo banyu 600 cc.
- Digodhog nganti dadi setengahé (300 cc).
- Diombé sawisé adem.
Rambut RontokBahan: Sagenggem kacang ijo, sagelas belimbing banyu
Cara gawé:
- Kacang ijo digodhog. Gatékaké nalika nggodhog, kacang aja nganti pecah.
- Yèn wis rada mateng lan ora pecah, angkat.
- Sawisé adem, banyu godhogan minangka mbasuh kulit sirah karo dipijeti.
- Dijarké nganti garing, lagi dkeramas.
MaagBahan: 1/4 kg kacang ijo, banyu anget sacukupé
Cara gawé:
- Kacang ijo dipémé nganti garing banjur dideplok nganti alus.
- Jupuk saséndok bubuk kacang ijo.
- Kacang ijo mau dijéri banyu anget sagelas.
- Ombe sadina pisan kanthi teratur.
VarisesBahan: Sagenggem kacang ijo, 2 gelas banyu
Cara gawé:
- Kacang hijau digodhog karo 2 gelas banyu. Dijarké nganti susut dadi sagelas.
- Ombe sadina ping pindho, ésuk karo nalika arep turu.
- Saliyané ngombé ramuan mau uga prelu nglakoni hal iki, nalika arep turu, angkat sikil lan dokok ing panggon sing luwih dhuwur saka sirah nganti 10 menit.
Bayi DemamBahan: 1 cangkir kacang ijo, sasendok makan madu
Cara gawé:
- Gawé godhogan kacang ijo.
- Wénéhi saséndok madu ing kacang ijo sing wis didokok ing gelas.
- Dulangaké banyu godhogan kacang ijo.
Sirah LaraBahan: 1 cangkir kacang ijo, 3 gelas banyu
Cara gawé:
- Kacang ijo dikumbah banjur digodhog karo 3 gelas banyu nganti umub. Dijarke nganti 15 menit.
- Nalika isih anget, banyuné diombe lan kacange dipangan sadina ping loro.
- Ombé kacang ijo saben ésuk. Kandungan vitamin banyu kacang ijo bisa ngundakake daya tahan awak. Angete bisa ngademke tutuk lan tenggorokan.
Pranala njaba
besut| Wikimedia Commons duwé médhia ngenani Vigna radiata. |
Cathetan suku
besut- ↑ "The Plant List: A Working List of All Plant Species". Diarsip saka sing asli ing 22 January 2019. Dibukak ing 13 January 2015.
- ↑ carahidup.um.ac.id Archived 2011-01-29 at the Wayback Machine.(diakses pada tanggal 22 maret 2011)
- ↑ a b web.ipb.ac.id Archived 2011-11-08 at the Wayback Machine.(diakses tanggal 22 maret 2011)
- ↑ jawaban.com(diakses tanggal 20 April 2011)
- ↑ NOVA[pranala mati permanèn](diakses tanggal 20 April 2011)
- ↑ 88db.com[pranala mati permanèn](diakses tanggal 20 April 2011)
- ↑ a b c d Kompas.com Archived 2016-03-05 at the Wayback Machine.(diakses tanggal 20 April 2011)
- ↑ waspada
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |
