Piagam ASEAN
Piagam ASEAN iku anggaran dhasar tumrap Perhimpunan Bangsa-bangsa Asia Tenggara (ASEAN). Dhokumèn iki wis diadopsi sajeroning KTT ASEAN angka 13 ing Singapura, November 2007 lan wiwit lumaku tanggal 15 Dhésèmber 2008.
Sacara formal, rencana panyusunan draf dipratélakaké ing KTT ASEAN angka 11 sasi Dhésèmber 2005 ing Kuala Lumpur. Sabanjuré, sepuluh tokoh wigati ASEAN sakasaben nagara anggota (karan ASEAN Eminent Persons Group; Indonesia diwakili déning Ali Alatas) dipatah ngrumusaé naskah rekomendasi kanggo piagam iki. Sajeroning KTT ASEAN angka 12 ing Cebu, Filipina, Januari 2007, sawatara proposal dhasar dipaparaké marang publik. Sawetara iku, para pamimpin ASEAN sarujuk kanggo gawé "tim kerja tingkat tinggi kanggo ngrumusaké Piagam ASEAN" sing anggotané ana sepuluh utusan tingkat senior pamaréntah. Tim iki ketemu kaping 13 sajeroning taun 2007. Sajeroning prosès iki kawicaksanan "ora campur tangan" ("non-interference policy") sing dadi ciri khas ASEAN ora dadi pathokan wigati manèh lan diusulaké gawé badan urusan HAM.
Ratifikasi Piagam ASEAN
besutNaskah Piagam ASEAN wis disarujuki taun 2007 ing Singapura lan ditapakasmani déning kabèh kepala papréntahan nagara-nagara anggota. Supaya Piagam ASEAN sing pisanan iki lumaku lan ngiket, wis disarujuki supaya kasepuluh nagara anggota kudu ngratifikasi sadurungé pelaksanaan KTT ASEAN angka 14 ing Chiang Mai, Thailand. Piagam iki nembé bakal lumaku 30 hari sawisé "Instrumen Ratifikasi" angka 10 diserahaké marang Sekretaris Jenderal ASEAN (Dr. Surin Pitsuwan).
Tanggal 21 Oktober 2008 kabèh nagara anggota wis ngratifikasi piagam iki, kaya kacetha ing tabel ngisor iki.
| Nagara Anggota | Tanggal Ratifikasi olèh Pamaréntah | Panyerahan Instrumen Ratifikasi | Disetujoniidéning |
|---|---|---|---|
| Singapura | 18 Dhésèmber 2007 | 7 Januari 2007 | Nayakotama |
| Brunei Darussalam | 31 Januari 2008 | 15 Fèbruari 2008 | Sultan |
| Malaysia | 14 Fèbruari 2008 | 20 Fèbruari 2008 | Mantri Luar Negeri |
| Laos | 14 Fèbruari 2008 | 20 Fèbruari 2008 | Nayakotama |
| Kamboja | 25 Fèbruari 2008[1] | 18 April 2008 | Majelis Nasional |
| Vietnam | 14 Maret 2008 | 19 Maret 2008 | Mantri Luar Negeri |
| Myanmar | 21 Juli 2008 | 21 Juli 2008[2] | Mantri Luar Negeri |
| Thailand | 16 September 2008[1] | 14 November 2008[2] | Parlemen |
| Filipina | 7 Oktober 2008[3] | 12 November 2008[2] | Senat |
| Indonesia | 21 Oktober 2008[4] | 13 November 2008[2] | DPR |
Cathetan sikil
besut- ↑ "Surin welcomes Thailand's ratification of Asean charter" Archived 2008-09-24 at the Wayback Machine., September 16, 2008.
- ↑ a b c http://www.bernama.com.my/bernama/v3/news.php?id=371962
- ↑ "Philippine Senate ratifies ASEAN Charter", October 7, 2008.
- ↑ "ASEAN Secretariat: ASEAN Charter fully ratified", October 21, 2008.
Pranala njaba
besut- Ringkasan Piagam ASEAN Archived 2009-04-19 at the Wayback Machine.
- Naskah Piagam ASEAN dalam basa Inggris
- Hotland, T. ASEAN Charter ushers in historic new era for region. The Jakarta Post daring. diakses 14 Dhésèmber 2008