კოსოვოს ბრძოლა (1389)

სხვა მნიშვნელობებისთვის იხილეთ კოსოვოს ბრძოლა (მრავალმნიშვნელოვანი).

კოსოვოს ბრძოლა
ოსმალთა მიერ ევროპის დაპყრობის ნაწილი
კოსოვოს ბრძოლა, XVI საუკუნის რუსული მინიატურა
თარიღი	28 ივნისი, 1389
მდებარეობა	კოსოვო
შედეგი	ოსმალების გამარჯვება.
მხარეები
ოსმალეთის იმპერია მორავიული სერბეთი ბრანკოვიჩის სერბეთი ბოსნიის სამეფო
მეთაურები
მურად I † ბაიაზიდ I, იაკუბი † პრინცი ლაზარი †, ვუკ ბრანკოვიჩი ვლატკო ვუკოვიჩი
ძალები
~ 27 000–40 000 ~ 12 000–30 000
დანაკარგები
მურად I პრინცი ლაზარი
კოსოვოს ბრძოლა ვიკისაწყობში

კოსოვოს ბრძოლა (სერბ. Косовска битка ან бој на Косову; თურქ. Kosova Meydan Muharebesi) — ერთ-ერთი უმსხვილესი ბრძოლა სერბი ფეოდალებისა და ბოსნიის სამეფოს გაერთიანებულ ძალებსა და ოსმალეთის იმპერიის ძალებს შორის. გაიმართა 1389 წლის 15 (28) ივნისს, თანამედროვე პრიშტინიდან 5 კმ-ში. სერბთა გაერთიანებულ ლაშქარს მეთაურობდნენ პრინცი ლაზარი, ვუკ ბრანკოვიჩი და დიდი მთავარი ვლატკო ვუკოვიჩი. ოსმალეთის არმიას კი სულთანი მურად I და მისი შვილები ბაიაზიდი და იაკუბი.

ბრძოლაში დაიღუპა ორივე არმიის მთავარსარდალი: პრინცი ლაზარი ტყვედ ჩავარდა და შემდეგ სიკვდილით დასაჯეს, ხოლო მურად I დაიღუპა მილოშ ობილიჩის ხელით, რომელიც მალულად შეიპარა მის კარავში. პრინცი ლაზარი და მილოშ ობილიჩი მართლმადიდებელი ეკლესიის წმინდანებად ითვლებიან^[1][2].