რიკარდო ვილა

რიკარდო ვილა საკლუბო კარიერას 1970 წელს, არგენტინის პრიმერა დივიზიონის მონაწილე კილმესის „ატლეტიკოში“ იწყებს, სადაც 1974 წლამდე თამაშობს. მის რიგებში არგენტინის ჩემპიონატის 108 მატჩში იღებს მონაწილეობას და 20 გოლი გააქვს.

1973 წელს, იჯარით, „სან-მარტინ-დე-ტუკუმანის“ რიგებშია, სადაც 10 შეხვედრაში 3 ბურთის გატანას ახერხებს. 1974–76 წლებში „ატლეტიკო ტუკუმანის“ ღირსებას იცავს (51 მატჩი, 19 გოლი).

1976–78 წლებში აველიანედას „რასინგ კლუბის“ შემადგენლობაშია (52 მატჩი, 6 გოლი).

1978 წლის ზაფხულიდან ლონდონის „ტოტენჰემ ჰოტსპურში“ აგრძელებს კარიერას. ამ გუნდთან ერთად 1981 წელს ინგლისის საფეხბურთო ასოციაციის თასს ეუფლება,^[5] როდესაც ორი მატჩის ჯამში „ტოტენჰემი“ „მანჩესტერ სიტის“ ამარცხებს. ორივე შეხვედრა ამჟამინდელი „უემბლის“ წინამორბედ სტადიონზე იმართება. პირველი მატჩი ფრედ (1–1) მთავრდება, ხოლო მეორეს ლონდონელები იგებენ (3–2). ამ მატჩში ვილას ორი ბურთი გააქვს,^[6] რომელთაგან ერთი, 2001 წელს, ამ სტადიონზე გატანილ ასწლეულის გოლად აღიარეს.^[7] საერთო ჯამში, „ტოტენჰემის“ მაისურით, ინგლისის პრემიერლიგის, ინგლისის ლიგის თასის, ინგლისის ასოციაციის თასის გათამაშებების და საერთაშორისო ტურნირების ფარგლებში — 179 შეხვედრაში გამოდის მინდორზე და 25-ჯერ ახერხებს მეტოქეთა კარის აღებას.

„ტოტენჰემის“ შემდეგ, ამერიკული „ფორტ-ლოდერდეილ სტრაიკერსისა“ (1983) და კოლუმბიური „დეპორტივო კალის“ (1984–85) რიგებში ასპარეზობს.

სათამაშო კარიერას 1989 წელს, არგენტინულ „დეფენსა ი ხუსტისიაში“ ამთავრებს.

№	კლუბი	ქვეყანა	წლები	წყარო
1	კილმეს ატლეტიკო	არგენტინა	1970–1974
2	სან-მარტინ-დე-ტუკუმანი	არგენტინა	1973
3	ატლეტიკო ტუკუმანი	არგენტინა	1974–1976
4	რასინგ კლუბი	არგენტინა	1976–1978
5	ტოტენჰემ ჰოტსპური	ინგლისი	1978–1983
6	ფორტ-ლოდერდეილ სტრაიკერსი	აშშ	1983
7	დეპორტივო კალი	კოლუმბია	1984–1985
8	დეფენსა ი ხუსტისია	არგენტინა	1986–1989

1975–1978 წლებში არგენტინის ეროვნული ნაკრების ღირსებას იცავს,^[8] რომლის შემადგენლობაში 18 შეხვედრას ატარებს და ერთი ბურთი გააქვს.

რიკარდო ვილას მატჩები არგენტინის ეროვნულ ნაკრებში

№	თარიღი	შეხვედრის ადგილი	მასპინძელი	ანგ.	სტუმარი	შეჯიბრება	წყარო
1	20.06.1975	კოჩაბამბა	ბოლივია	1–2	არგენტინა	საავედრას თასი	[9]
2	13.10.1976	ბუენოს-აირესი	არგენტინა	2–0	ჩილე	ამხანაგური	[10]
3	28.10.1976	ლიმა	პერუ	1–3	არგენტინა	ამხანაგური	[11]
4	10.11.1976	ბუენოს-აირესი	არგენტინა	1–0	პერუ	ამხანაგური	[12]
5	27.02.1977	ბუენოს-აირესი	არგენტინა	5–1	უნგრეთი	ამხანაგური	[13]
6	22.03.1977	მადრიდი	არგენტინა	1–1	ირანი	ამხანაგური	[14]
7	29.05.1977	ბუენოს-აირესი	არგენტინა	3–1	პოლონეთი	ამხანაგური	[15]
8	05.06.1977	ბუენოს-აირესი	არგენტინა	1–3	გფრ	ამხანაგური	[16]
9	26.06.1977	ბუენოს-აირესი	არგენტინა	0–0	საფრანგეთი	ამხანაგური	[17]
10	03.07.1977	ბუენოს-აირესი	არგენტინა	1–0	იუგოსლავია	ამხანაგური	[18]
11	12.07.1977	ბუენოს-აირესი	არგენტინა	2–0	გდრ	ამხანაგური	[19]
12	24.08.1977	ბუენოს-აირესი	არგენტინა	2–1	პარაგვაი	ბოგადოს თასი	[20]
13	06.04.1978	ბუენოს-აირესი	არგენტინა	2–0	რუმინეთი	ამხანაგური	[21]
14	20.04.1978	ბუენოს-აირესი	არგენტინა	3–1	ირლანდია	ამხანაგური	[22]
15	25.04.1978	მონტევიდეო	ურუგვაი	2–0	არგენტინა	ამხანაგური	[23]
16	03.05.1978	ბუენოს-აირესი	არგენტინა	3–0	ურუგვაი	ამხანაგური	[24]
17	14.06.1978	როსარიო	არგენტინა	2–0	პოლონეთი	მსოფლიო 1978	[25]
18	18.06.1978	როსარიო	არგენტინა	0–0	ბრაზილია	მსოფლიო 1978	[26]

რიკარდო ვილამ მსოფლიო ჩემპიონატის ორ შეხვედრაში მიიღო მონაწილეობა.^[27][28][29]

ჩემპ.	მასპინძელი	№	პოზიცია	შ	ბ	მ	ფ	წ	შედეგი
1978	არგენტინა	22	ნახევარმცველი	2	0	1	1	0	ჩემპიონი

ტოტენჰემ ჰოტსპური

• ინგლისის ასოციაციის თასი: 1981

არგენტინა

მსოფლიო ჩემპიონატი

• ჩემპიონი: 1978 ^[30]