Зак Снайдер

Зак Снайдер 1966 жылдың 1 наурызында Грин-Бэйде, Висконсин штатында дүниеге келді, бірақ Гринвич, Коннектикут штатында өсті. Дэйкрофт мектебінде білім алды, сонымен қатар осы жерде оның анасы кескіндеме мен фотография өнерінің мұғалімі болды. Анасының арқасында, Зак Лондон мен Пасадинада көркем сурет өнеріне үйренеді. Снайдер Пасадинада қазіргі уақытқа шейін, екінші әйелі продюсер Дебора Снайдермен және 6 баласымен тұрып келеді^[1].

Кішкентай кезінен бастап Зак фантастикалық фильмдерге қызыққан. Оның ұнатуына «Жұлдызды соғыстар» көп әсер етті. Зактың әуесқойлығын байқаған оның ата-анасы оған видеокамера сыйлайды. Осы «ойыншық» арқылы ол режиссурада бірінші қадамдар жасайды.

90 жылдардың басында жас режиссер жарнамалар түсіреді. Ол «Reebok», «Nike», «Будвайзер», «BMW», «SUBARU», «Магнум» және «Митцубиси» сияқты ірі компанияларға қызмет көрсетеді. Ол өзін дарынды және талантты режиссер және сценарист ретінде көрсетеді. Зак «Клио» жүлдесін ұтып алады. Кейін ол тіпті Канн фестивалінде «Jeep» үшін түсірілген «Frisbee» ролигі үшін «Алтын арыстан» жүлдесін иеленеді.

Снайдердің бейне роликтерінде көптеген жұлдыздар түсті. Режиссер Харрисон Форд, Роберт Де Ниро, Кэтрин Зета-Джонс, Майкл Джордан және Мартина Навратилова сияқты атақты адамдармен жұмыс істеді.

Майкл Джордан Зактың алғашқы жұмыстарының біріне қатысты. Ол «Майкл Джорданның ойын алаңы» атты деректі фильмінде басты ролді сомдайды. Кинофильм прокатқа 1990 жылы шықты.

Зак Хэзер Нова, Morrissey, Шон Коллинз және «Soul Asylum» тобына музыкалық бейне клиптер түсіреді. 2002 жылы режиссер Columbia Pictures компаниясымен келісім шартқа отырады. Олар «S.W.A.T.» сериалы бойынша толықметражды фильм түсіре бастайды. Басында, түсірілімдер ойдағыдай жүрді, бірақ кейін жұмыстың бүге-шегесін және нюанстарын Зак ұғынғасын, ол оның және компанияның ойлары әр түрлі екенін түсініп, жұмыстан бас тартады.

2004 жылы Зак Джордж Ромероның «Өліктердің рауаны» атты хоррорына ремейк түсіреді. Сыншылардың келіспеушілігіне қарамастан, фильм үлкен табыс тапты және көп мөлшерде ақша жинады.

Режиссерге нағыз атақты алып келген «300 спартандықтар» фильмі болып келеді. Бұл фильм Фрэнк Миллер мен Линн Варлидің романы бойынша түсіріліп, айтарлықтай табысқа жетіп, Зак барлығының назарын өзіне және жаңа жобаларына аударды.

Зактың келесі жобасы – Алан Мур мен Дэйв Гиббонстың комиксі «Қорғаушылар». Фильм «300 спартандықтар» сияқты табысқа жеткен жоқ. Бірінші уик-эндте ол $55 миллион жинады.