ಸಿಂಧುದುರ್ಗ್ ಕೋಟೆ
ಸಿಂಧುದುರ್ಗ್ ಕೋಟೆಯು ಒಂದು ಐತಿಹಾಸಿಕ ಕೋಟೆಯಾಗಿದ್ದು ಭಾರತದ ಮಹಾರಾಷ್ಟ್ರ ರಾಜ್ಯದ ಕರಾವಳಿಗೆ ಸ್ವಲ್ಪ ದೂರದಲ್ಲಿರುವ ಒಂದು ದ್ವೀಪದಲ್ಲಿ ಸ್ಥಿತವಾಗಿದೆ. ಈ ಕೋಟೆಯನ್ನು ಛತ್ರಪತಿ ಶಿವಾಜಿ ಮಹಾರಾಜರು ನಿರ್ಮಿಸಿದರು. ಈ ಕೋಟೆಯು ಮಹಾರಾಷ್ಟ್ರದ ಕೊಂಕಣ ಪ್ರದೇಶದ ಸಿಂಧುದುರ್ಗ್ ಜಿಲ್ಲೆಯ ಮಾಲ್ವಣ್ ಪಟ್ಟಣದ ದಡದಲ್ಲಿದೆ. ಇದು ಸಂರಕ್ಷಿತ ಸ್ಮಾರಕವಾಗಿದೆ.[೧]
ಇತಿಹಾಸ
ಬದಲಾಯಿಸಿಸಿಂಧುದುರ್ಗ್ ದ್ವೀಪ-ಕೋಟೆಯನ್ನು ಮರಾಠ ಸಾಮ್ರಾಜ್ಯದ ಆಡಳಿತಗಾರ ಶಿವಾಜಿ ನಿರ್ಮಿಸಿದ.[೨] ವಿದೇಶಿ (ಆಂಗ್ಲ, ಡಚ್, ಫ್ರೆಂಚ್ ಮತ್ತು ಪೋರ್ಚುಗೀಸ್) ವ್ಯಾಪಾರಿಗಳ ಹೆಚ್ಚುತ್ತಿರುವ ಪ್ರಭಾವಕ್ಕೆ ಪ್ರತಿಯಾಗಿ ಮತ್ತು ಜಂಜೀರಾದ ಸಿದ್ಧಿಗಳ ಏಳಿಗೆಯನ್ನು ತಡೆಯುವುದು ಇದರ ಮುಖ್ಯ ಉದ್ದೇಶವಾಗಿತ್ತು.[೩] 1664 ರಲ್ಲಿ ಹಿರೋಜಿ ಇಂದುಲ್ಕರ್ ಇದರ ನಿರ್ಮಾಣದ ಮೇಲ್ವಿಚಾರಣೆ ಮಾಡಿದರು. ಖುರ್ಟೆ ದ್ವೀಪ ಎಂದು ಕರೆಯಲ್ಪಡುವ ಒಂದು ಸಣ್ಣ ದ್ವೀಪದಲ್ಲಿ ಈ ಕೋಟೆಯನ್ನು ನಿರ್ಮಿಸಲಾಗಿದೆ.
ರಚನೆಯ ವಿವರಗಳು
ಬದಲಾಯಿಸಿಎರಕಹೊಯ್ಯಲು 4,000 ಪೌಂಡ್ಗಳಿಗಿಂತ ಹೆಚ್ಚು ಸೀಸವನ್ನು ಬಳಸಲಾಯಿತು ಮತ್ತು ಅಡಿಪಾಯದ ಕಲ್ಲುಗಳನ್ನು ದೃಢವಾಗಿ ಹಾಕಲಾಯಿತು. 25 ನವೆಂಬರ್ 1664 ರಂದು ನಿರ್ಮಾಣ ಪ್ರಾರಂಭವಾಯಿತು. ಮೂರು ವರ್ಷಗಳ ಅವಧಿಯಲ್ಲಿ (1664-1667) ನಿರ್ಮಿಸಲಾದ ಸಮುದ್ರ ಕೋಟೆಯು 48 ಎಕರೆಗಳಲ್ಲಿ ಹರಡಿಕೊಂಡಿದೆ. ಸಮೀಪಿಸುವ ಶತ್ರುಗಳಿಗೆ ಮತ್ತು ಅರಬ್ಬೀ ಸಮುದ್ರದ ಅಲೆಗಳು ಹಾಗೂ ಉಬ್ಬರವಿಳಿತಗಳಿಗೆ ನಿರೋಧಕವಾಗಿ ಕಾರ್ಯನಿರ್ವಹಿಸಲು ಬೃಹತ್ ಗೋಡೆಗಳನ್ನು ವಿನ್ಯಾಸಗೊಳಿಸಲಾಗಿದೆ. ಮುಖ್ಯ ದ್ವಾರವನ್ನು ಯಾರೂ ಹೊರಗಿನಿಂದ ಗುರುತಿಸಲು ಸಾಧ್ಯವಾಗದ ರೀತಿಯಲ್ಲಿ ಮರೆಮಾಡಲಾಗಿದೆ.
ಚಿತ್ರಸಂಪುಟ
ಬದಲಾಯಿಸಿ- ಸಿಂಧುದುರ್ಗ್ ಕೋಟೆ ಗೋಡೆಯ ವಿವರ
- ಕೋಟೆಯ ಪಶ್ಚಿಮ ಭಾಗವು ಚಿಕ್ಕ ಕಡಲತೀರವನ್ನು ತೋರಿಸುತ್ತದೆ ಮತ್ತು ಕಡಲತೀರದ ಪ್ರವೇಶಕ್ಕಾಗಿ ಗೋಡೆಯಲ್ಲಿ ಬಾಗಿಲು
- ಮರೆಮಾಚಲ್ಪಟ್ಟ ಕೋಟೆಯ ಮುಖ್ಯ ಪ್ರವೇಶ ದ್ವಾರ
- ಕೋಟೆಯ ಮುಖ್ಯ ಪ್ರವೇಶ ದ್ವಾರ