Еврокөрүнүү ыр сынагы 1969

«Еврокөрүнүү ыр сынагы 1969» (испанча: Festival de la Canción de Eurovisión 1969, англисче: Eurovision Song Contest 1969, французча: Concours Eurovision de la chanson 1969) - «Еврокөрүнүүнүн» 14-сынагы болгон, ал Лондондо өткөн «Еврокөрүнүү 1968» сынагынын жеңүүчү өлкөсүндө, 1969-жылдын 29-мартта Мадридде (Испания) өткөн. Испанияга жеңишти «La, la, la» деген ыры менен Massiel деген ырчы алып келген, добуштардын жыйынтыгынан соң 29 упай менен 1-орунду ээлеген.

Еврокөрүнүү ыр сынагы 1969
Дата	29-март, 1969-жыл
Алып баруучулар	Laurita Valenzuela
Мүдүр	Ramón Díez
Кожоюн телеканал	TVE
Өткөрүлүүчү жай	Испания, Мадрид, Teatro Real
Жеңүүчү ыр	«Vivo cantando» (Испания) «De troubadour» (Нидерланддар) «Boom Bang-a-Bang» (Улуу Британия) «Un jour, un enfant» (Франция)
Добуш берүү ыкмасы	Ар өлкөдөн 10 калыс, алардын ар бири жаккан ырына бир добуш берүү мүмкүнчүлүгүнө ээ болчу
Өлкөлөрдүн саны	16
Алгачкы катышуу	болгон эмес
Баш тартуу	Австрия Дания
Нөл упай	болгон эмес
Еврокөрүнүү ыр сынагы 1969
◄ 1968        1970 ►

Сынактын тарыхында биринчи жолу бир заматта 4 ыр жеңүүчү аталган, алар төмөнкүлөр: Франциянын ыры, Frida Boccara аткарган "Un jour, un enfant"; Испаниянын ыры, Salomé аткарган "Vivo cantando"; Нидерланддардын ыры, Lenny Kuhr аткарган "De troubadour" жана Улуу Британиянын ыры, Lulu аткарган "Boom Bang-a-Bang". Бул сынак дагы башка маанилүү окуялар менен коштолгон: белгилүү сүрөтчү Сальвадор Дали сынактын жарнактык сүрөтүн тарткан жана Монакону 12 жашар бала көрсөтүп 6-орунду мекенине алып келген.

Франконун аскердик диктатурасы башкарган мамлекетте өткөн сынакта катышпайбыз деп, Австрия катышуудан баш тарткан. Сынактын алгачкы катышуучуларынын катарында Лихтенштейндин да болушу ыктымал болчу, улуттук тандап алуу сынагын өткөрүп аткаруучусу менен ырын камдап олтурушкан, бирок Лихтенштейндин өзүнүн телекөрүнүүсү жоктугунан сынактан четтетилген.