Harpalyke (Mound)

Den Harpalyke gouf den 23. November 2000 vun Astronome vun der Universitéit vun Hawaii entdeckt. Hie krut am Ufank d'Bezeechnung S/2000 J 5.

De Mound gouf no der Harpalyke, enger Duechter vum Klymenos aus der griichescher Mythologie genannt.

Den Harpalyke kreest a 623 Deeg a 7 Stonnen op enger mëttlerer Distanz vun 21.105.000 km ëm de Jupiter. D'Bunn huet eng Exzentrizitéit vun 0,226. Mat enger Inklinatioun vun 148,6° géint de lokale Laplace-Plang ass d'Bunn retrograd, d. h. de Mound beweegt sech géint d'Rotatiounsrichtung vum Jupiter ëm de Planéit.

Wéinst senge Bunneegenschafte gëtt den Harpalyke zu der Ananke-Grupp gerechent.

De Mound Harpalyke huet e mëttleren Duerchmiesser vun zirka 4 km. Seng Dicht gëtt op 2,6 g/cm³ geschat. Hie besteet warscheinlech haaptsächlech aus Silikatgestengs. Den Harpalyke huet eng ganz däischter Uewerfläch an eng Albedo vun 0,04, d. h. nëmme 4 % vum agestraalte Sonneliicht gi reflektéiert. Déi visuell Magnitude ass 22,2^m.

Portal Astronomie

• MPEC 2001-A28: S/2000 J 2, S/2000 J 3, S/2000 J 4, S/2000 J 5, S/2000 J 6 5. Januar 2001 (Entdeckung)
• MPEC 2001-U21: S/2000 J 2, S/2000 J 5 18. Oktober 2001 (Zeréckentdeckung)