Дејвид Николс

Дејвид Николс е роден на 30 ноември 1966 година. Завршил англиска книжевност и драма на Универзитетот во Бристол, а потоа посетувал обука за глумец на Американската музичка и драмска академија во Њујорк. На почетокот работел како глумец при што имал некои помали улоги, а истовремено започнал да чита сценарија на радио и телевизија. Исто така, тој бил уредник на сценарија во неколку телевизиски и продукциски куќи. Николс живее во Лондон со партнерката Хана со која има две деца.^[1]

На почетокот од кариерата Николс направил неколку адаптации на англиски класици за потребите на „Би-би-си“. Во 2003 година го објавил првиот роман „Прашање за десет бода“, две години подоцна го објавил романот „Дублер“, а во 2009 година и третиот роман „Еден ден“. Исто така, тој е автор на сценаријата снимени според неговите книги.^[1]