ОУ „Симче Настевски“ - Вратница
Основно училиште „Симче Настевски“ — единствено основно училиште во селото Вратница, во Општина Јегуновце, Македонија. Училиштето е сместено во средишниот дел на селото.
ООУ „Симче Настевски“ - Вратница | |
|---|---|
| Место | |
| Општина: | Јегуновце |
| Нас. место: | Вратница |
| Адреса: | 1225 Вратница, Општина Јегуновце |
| Местоположба | |
| Основни информации | |
| Основано: | 1893 |
| Директор: | Дијана Петровска |
| Број на ученици: | 252 |
| Настава на: | македонски |
| Контактни информации | |
| Мреж. место | ousimcenastovski.weebly.com/ |
| Телефон | 044/451-008 |
Училиштето е именувано по истакнатиот македонски партизан и првоборец од НОБ, кој бил од овој крај, Симче Настевски, кој загинал во 1943 година.
Историја
уредиУчилиштето постои од 1893 година и има долга и богата традиција. Од 1981 година во училиштето се образуваат и деца со лесни пречки во психичкиот развој во посебни паралелки, а кои престојуваат во училишниот интернат.
Подрачни училишта
уредиВо рамките на општинското основно училиште „Симче Настевски“ се наоѓаат и пет подрачни основни училишта. Сите подрачни училишта се петгодишни, освен подрачното училиште во селото Јажинце кое е деветгодишно. Овие училишта се:
- ПУ „Симче Настевски“ - Долно Орашје, подрачно училиште на албански наставен јазик;
- ПУ „Симче Настевски“ - Јажинце, подрачно училиште на албански наставен јазик;
- ПУ „Симче Настевски“ - Рогачево, подрачно училиште на македонски наставен јазик;
- ПУ „Симче Настевски“ - Старо Село, подрачно училиште на македонски наставен јазик; и
- ПУ „Симче Настевски“ - Орашје, подрачно училиште на албански наставен јазик.
Организација
уредиВо учебната 2013/2014 година биле запишани вкупно 252 ученика распоредени во 25 паралелки.