Бочва

Бочва или фучија^[1] – голем дрвен сад со два газера стегнат со обрачи во кој се чуваат течности, најчесто вино; големо буре.^[2] Бочвите се користат за производство и чување вино и пиво и концентрирани алкохолни пијалаци – ракија, саке, текила, бренди, виски, рум и др. Кога пијалаците одлежуваат во бочви, тие добиваат дел од супстанците кои се содржат во дрвото како ванилин и танин.

Бочвите се изработуваат до дрвени летви, стегнати со железни обрачи. Најчесто се користи даб, поретко се користи костеново дрво, а за јапонското саке – понекогаш и кедрово. Бочвата има 2 отвора:

• горен, низ кој се налева течноста, и
• долен (со чеп), низ кој се точи течноста.