പോൾ വാക്കർ

പോൾ വില്ല്യം വാക്കർ IV^[1] (1973 സെപ്റ്റംബർ 12 - 2013 നവംബർ 30) ഒരു അമേരിക്കൻ അഭിനേതാവായിരുന്നു. 1999 ലെ വാഴ്സിറ്റി ബ്ലൂസ് എന്ന ചലച്ചിത്രത്തിലെ കഥാപാത്രത്തിനു ശേഷമാണ് അദ്ദേഹം പ്രശസ്തനായത്. എന്നാൽ അതിനു ശേഷം ദ ഫാസ്റ്റ് ആൻഡ് ദ ഫ്യൂരിയസ് ചലച്ചിത്രപരമ്പരയിലെ ബ്രയാൻ ഒ'കോണർ (Brian O'Conner) എന്ന കഥാപാത്രത്തിലൂടെയാണ് അദ്ദേഹം കൂടുതൽ അറിയപ്പെട്ടത്. എയ്റ്റ് ബിലോ, ഇൻടു ദ ബ്ലൂ, ഷീ'സ് ഓൾ ദാറ്റ്, ടേക്കേഴ്സ് മുതലായവയാണ് അദ്ദേഹത്തിന്റെ മറ്റു ചിത്രങ്ങൾ. നാഷണൽ ജ്യോഗ്രഫിക്ക് ചാനലിലെ എക്സ്പെഡിഷൻ ഗ്രേറ്റ് വൈറ്റ് എന്ന പരമ്പരയിലും അദ്ദേഹം പങ്കെടുത്തിരുന്നു. 2013 നവംബർ 30 ന് കാലിഫോർണിയയിലെ വലൻസിയയിൽ വെച്ചുണ്ടായ കാറപകടത്തിൽ, യാത്രക്കാരനായിരുന്ന പോൾ വാക്കർ കൊല്ലപ്പെട്ടു.

പോൾ വാക്കർ
2009 ൽ ലണ്ടനിലെ ലീസെസ്റ്റർ സ്ക്വയറിൽ വെച്ച് നടന്ന ഫാസ്റ്റ് & ഫ്യൂരിയസിന്റെ പ്രീമിയറിൽ
ജനനം	പോൾ വില്ല്യം വാക്കർ IV (1973-09-12)സെപ്റ്റംബർ 12, 1973 ഗ്ലെൻഡേൽ, കാലിഫോർണിയ, യു. എസ്.
മരണം	നവംബർ 30, 2013(2013-11-30) (പ്രായം 40) വലൻസിയ, കാലിഫോർണിയ, യു. എസ്.
മരണ കാരണം	വാഹനാപകടം
തൊഴിൽ	അഭിനേതാവ്
സജീവ കാലം	1985–2013
അറിയപ്പെടുന്നത്	ദ ഫാസ്റ്റ് ആൻഡ് ദ ഫ്യൂരിയസ്
കുട്ടികൾ	1
വെബ്സൈറ്റ്	www.paulwalker.com