രക്തക്കുഴൽ
രക്തചംക്രമണ വ്യവസ്ഥയിൽ രക്തം വഹിക്കുന്ന ഒരു ട്യൂബാണ് രക്തക്കുഴലുകൾ.[1] ഈ രക്തവാഹിനികൾ ശരീരത്തിലെ ടിഷ്യൂകളിലേക്ക് രക്തകോശങ്ങൾ, പോഷകങ്ങൾ, ഓക്സിജൻ എന്നിവ എത്തിക്കുന്നു. അവ ടിഷ്യൂകളിൽ നിന്ന് മാലിന്യങ്ങളും കാർബൺ ഡൈ ഓക്സൈഡും എടുക്കുന്നു. ജീവൻ നിലനിർത്താൻ രക്തക്കുഴലുകൾ ആവശ്യമാണ്. കാരണം ശരീരത്തിലെ എല്ലാ ടിഷ്യൂകളും അവയുടെ പ്രവർത്തനത്തെ ആശ്രയിച്ചിരിക്കുന്നു.[2] അഞ്ച് തരം രക്തക്കുഴലുകൾ ഉണ്ട്. ഹൃദയത്തിൽ നിന്ന് രക്തം കൊണ്ടുപോകുന്ന ധമനികൾ, ആർട്ടീരിയോൾ, രക്തത്തിനും ടിഷ്യൂകൾക്കുമിടയിൽ ജലത്തിന്റെയും രാസവസ്തുക്കളുടെയും കൈമാറ്റം നടത്തുന്ന കാപ്പിലറികൾ, വെനുലെകൾ, കാപ്പിലറികളിൽ നിന്ന് രക്തം തിരികെ ഹൃദയത്തിലേക്ക് കൊണ്ടുപോകുന്ന സിരകൾ.
![](http://upload.wikimedia.org/wikipedia/commons/thumb/d/d3/Blood_vessels-en.svg/220px-Blood_vessels-en.svg.png)
രക്തക്കുഴലുകളുമായി ബന്ധപ്പെട്ടത് എന്നർത്ഥം വരുന്ന വാസ്കുലർ എന്ന വാക്ക് രക്തക്കുഴൽ എന്നർഥമുള്ള ലാറ്റിൻ വാസിൽ നിന്നാണ് ഉരുത്തിരിഞ്ഞത്. പ്രായപൂർത്തിയായ ഒരു മനുഷ്യശരീരത്തിൽ 100,000 കിലോമീറ്റർ രക്തക്കുഴലുകൾ ഉണ്ട്. പുതിയ രക്തക്കുഴലുകൾ വളരുന്നതിനെ ആൻജിയോജെനിസിസ് എന്ന് വിളിക്കുന്നു.
അവലംബം
തിരുത്തുക- ↑ "Blood Vessels – Heart and Blood Vessel Disorders". Merck Manuals Consumer Version. Merck Sharp & Dohme Corp. Archived from the original on 24 April 2015. Retrieved 2016-12-22.
- ↑ "How Does Blood Flow Through Your Body". Cleveland Clinic.