Rial Marina d''o Regno d''e Ddoje Sicilie

Rint'ô 1735, p'ê mmenacce d'ê pirate "barbaresche" 'e ll'Africa settentriunale, 'o nuovo suvrano 'e Napule ngignaje na pulitica marittima assaje cchiù resoluta, affidanno a 'o Marchese 'e Montealegro, menisto d'â uerra, 'o compito 'e custituì n'Armata 'e Mare pe' affruntà 'o prubblema d'â pirateria.

'O 10 'e dicembre 1735 fuje prumurgato 'o "Regolamento (....) para el extablaciemiento (...) de su Exquadra de Galeras, Arsenal, Darsena..." 'e chiara derivazzione spagnuola, ca segnaje a nasceta 'e ll'Accademia d'â Rial Marina.

Fuje mperzò custituita na squadra 'e 4 galére (tre 'e cheste accattate da 'o Stato Puntificio) ca furmaje 'o primmo nucleo d'â Marina, ca se svelupparrà cuntinuamente nfino a iognere, 'int'â fine d'ô seculo, a 'e ddimenziune necessarie a affruntà 'o prubbrema d'â pirateria e a pruteggere 'e rrotte cummerciale.'Ncap'ô 1741, p'â uerra nfra Spagna e Austria, na squadra ngrese, trasuta 'intô gurfo 'e Napolì, urdenaje a 'o rre, Carlo 'e Burbone, 'e remané niutrale. Chesta fuje ll'accadenza ca purtaje â costruzzione 'e nuove vascielle e fragate, comme pure d'ô naviglio piccerillo 'e supporto.

'Ncap'ô 1759, ô fernì d'ô regno 'e Carlo, 'a frotta accussì se cumpuneva:

Cu ll'ascesa ncopp'ô trono spagnuolo 'e Carlo, diventato Carlo III, 'o putere fuje affidato ô menisto Bernardo Tanucci, p'â menurità 'e ll'arede Ferdinando. 'O menisto, ca nun bunava 'a puliteca marittima 'e Carlo, trascuraje 'o putenziamento d'â Rial Marina, nfino ô nteressamiento d'â Reginàa Maria Carolina, ca vulette a Napule John Edward Acton, aufficiale irlandese ô servizzio d'ô Granduca 'e Tuscana, e fratiello d'â regina, Liopoldo d'Asburgo.

Acton fuje accussì nummenato capo d'ô Menisterio r'ô Cummercio e Marina 'int'ô 1779, e susso se nguadiaje a putenzià 'a Marina melitare. Arricettaje mperzò 'a frotta 'ncapo a ddoje squadre: d'ê Vascielle e d'ê Sciabecche. Accattaje vascielle e fragate, urdenanno mperò pure nu gruosso prugramma 'e nove custruzzione, aggrannette 'o Culleggio 'e Marina, mannaje devierze uardiemarine e aufficale a servizzio d'ê mmaggiure Marine melitare 'e ll'Europa, funnaje 'o nommalto Cantiere navale 'e Castellammare di Stabia, istituette 'o Cuorpo 'e Fanteria 'e Marina, chiammato Reggimiento Rial Marina. Ncopp'ô 1788 'a Marina cuntava 39 nave, armate 'e 962 cannune, accussì spartite:

• 3 vascielle 'e fila da 74 cannune,
• 1 vasciello 'e fila da 60 cannune,
• 6 fragate da 40 cannune,
• 2 fragate da 35 cannune,
• 1 orca da 36 cannune,
• 2 sciabecche da 24 cannune
• 4 sciabecche da 20 cannune
• 4 curvette da 20 cannune,
• 2 curvette da 12 cannune,
• 4 bergantine da 12 cannune,
• 10 galiotte da 3 cannune.

Cu' n'urganico 'e:

• 4 capitane 'e vasciello,
• 10 capitane 'e fregata,
• nu gruosso nummero 'e aufficiale cu grado nferiore,
• 270 marinare 'e posto fisso,
• 470 cannuniere,
• 2128 fante 'e marina,

'E spese tutale ereno 'e 653.000 ducate, sagliute ll'anno appreisso d'âte 250.000, aggrannite n'âta vôta nfino a iognere a nu tutale 'e 1.023.000 ducate 'int'ô 1790. Chisto aumiento fuje frutto d'ô putenziamiemto 'e ll'opere custruttive, curmenato cu ll'allestimiento 'e nu vasciello da 74 cannune, comme pure 'e nu gruosso nummero 'e varche cannuniere, tanto da iognere a 140. Ll'opera 'e raffurzamiento fuje mperò susso 'nterrutta pe' ll'invasione pe' cunto d'ê ffrancise, ca scusajeno Ferdinando, fuiuto 'n Sicilia, e criajeno 'a Repubbreca Napuletana. Chiste abbruciajeno 'a metà d'â frotta e cundannajeno a morte ll'ammeraglio Francisco Caracciolo.

Cu' Giuseppe Bonaparte, fratiello 'e Napulione e suvrano 'e Napule da 'o 30 'e màrzo 1806, primma e cu' Gioacchino Murat aroppo, 'a Rial Marina fuje urganezzata â francisa e raffurzata c'â custruzzione 'e nove nave:

• vasciello da 74 cannune Capri,
• vasciello da 80 cannune Gioacchino,
• fragata Letizia
• fragata Carolina.

A cheste s'aunisce pure 'o vasciello Archimede, da 74 cannune, ca mperò nun fuje urtemato p'ê vvicende sequente. Fujeno custruite tre scale a Castellammare pe' nce puté allestire cuntempuraniamente tre unetà, e criato nu scalo 'e muratura a Napule. Appriesso 'int'ô 1811 fuje criata 'a scuola d'applecazzione pe' ll'ingegnere maritteme.

Ncap'ô 1815, turnato a Napule d'ê Burbone, fujeno stabbelite urdenanze ca custetuiveno devierze Cuorpe 'e ll'aufficiale, n'Usservatorio Nauteco, n'Accademia 'e Marina e tre Cumpartimiente Maritteme: Napule, Palermo e Messina.

Cu' Ferdinando II nce fuje 'a custruzzione d'ô Bacino 'e carenaggio, primmo 'int'â ll'Italia, pe' cumpletà 'e strutture ô servizzio d'â marina napulitana. A la staggione d'ô 1840, fuje funnato ll'opeficio 'e Pietrarsa, nfra 'e comune 'e Napule e Portici, p'â pruduzzione 'e manufatte 'nfierro a uso navale e ferruviario. Grazzie pure a ll'esperienza d'ê ttecnice ngrese, deventaje susso 'o cchiù gruosso stabbilimiento 'e funneria 'ncopp'ô terretuorio taliano. Sempe cu' Ferdinando II, fujeno custruite 'e primme unetà a vapore d'â frotta, custituite 'o Cuorpo d'ô Persunale 'e Pilotaggio, 'o Cuorpo d'ê Cannuniere e Marinare e istituite, 'int'ô stabbelimiento 'e Pietrarsa, na Scuola 'e Ngegnere Meccanece comme pure na Scuola 'e Maccheniste.

Ll'Armata 'e Mare accussì se cumpuneva:

1. Riale Cuorpo d'ê cannuniere marinare;
2. Reggimiento "Rial Marina";
3. Cuorpo 'e genio marittemo;
4. Cuorpo telegrafeco;
5. Cuorpo sanetario;
6. Cuorpo ammenistrativo cu' tre Departemienti (Napule, Palermo e Messina).

Pure: 4 bummardiere, 21 cannuniere, 7 bove, 12 scorredoie, 8 leute, 4 paranzelle e ate 23 legne suttile.

1. ↑ ^{1,0 1,1} Lamberto Radogna, Storia della Marina Militare delle Due Sicilie (1734-1860), Mursia 1978
2. ↑ A.S.N., Almanacco militare, 1860

• Mariano d'Ayala. Le vite dei più celebri capitani e soldati napoletani. Napoli, Stamperia dell'Iride, 1843.
• Tito Battaglini. Il crollo militare del Regno delle Due Sicilie. Modena, Società Tipografica Modenese, 1938.
• Lodovico Bianchini, Della storia delle finanze del Regno di Napoli, Palermo 1839, pp. 474-475.
• Giuseppe De Luca. L'Italia meridionale e l'antico reame delle Due Sicilie. Descrizione geografica, storica e amministrativa. Napoli, Stabilimento Classici Italiani, 1860.
• Antonio Formicola, Claudio Romano, Napoli 9 gennaio 1799: una Flotta in fumo, Supplemento alla Rivista Marittima, Roma, Gen/1999.
• Antonio Formicola, Claudio Romano L'industria navale di Ferdinando II di Borbone Napoli, Fiorentino 1990.
• Antonio Formicola, Claudio Romano, La Base Navale di Napoli, dalle origini ai giorni nostri, Supplemento alla Rivista Marittima, Roma, Apr/1995;
• Antonio Formicola, Claudio Romano, Pittori di Marina alla Corte dei Borbone di Napoli, Supplemento alla Rivista Marittima, Roma, Apr/2004;
• Antonio Formicola, Claudio Romano, Storia della Marina da Guerra dei Borbone di Napoli - vol. I - 1734-1799, Uff. Storico M.M. Roma, 2005;
• Antonio Formicola, Claudio Romano, Storia della Marina da Guerra dei Borbone di Napoli - vol. II, tomo I: 1799-1815, tomo II 1815-1830, Uff. Storico M.M. Roma, 2010;
• Antonio Formicola, Claudio Romano, Vele, Corazze e Cannoni Roma, Logart Press, 1996.
• Nicola Forte, Viaggio nella memoria persa del Regno delle Due Sicilie. La storia, i fatti, i fattarielli ed. Imagaenaria, Ischia 2007 ISBN 88-89144-70-X
• Arturo Fratta (a cura di) La fabbrica delle navi, Napoli, Electa 1990.
• Virgilio Ilari, Piero Crociani e Giancarlo Boeri, Storia militare del Regno Murattiano (1806-1815), Invorio, Widerholdt, 2007, III, pp. 243-416 ("La marina napoletana (1806-1815)".
• Virgilio Ilari, Piero Crociani e Giancarlo Boeri,Le Due Sicilie nelle guerre napoleoniche (1800-1816), Roma, USSME, 2008, II, pp. 879-942 ("La Real Marina (1800-1815)".
• Ruello Majolo. L'Accademia Borbonica della Real Marina delle Due Sicilie ed.f.c. Ass. Nunziatella, Napoli, 1994.
• Benedetto Maresca. La marina napoletana nel secolo XVIII. Napoli, Pierro, 1902.
• Lamberto Radogna, Storia della Marina militare delle Due Sicilie 1734-1860, Milano, Mursia, 1978.
• Lamberto Radogna Cronistoria unità da guerra Marine preunitarie Roma, Uff. Storico M.M. 1981.
• Lamberto Radogna, Storia della Marina Mercantile delle Due Sicilie, Milano, Mursia, 1982.
• Roberto Maria Selvaggi, Carlo Di Somma e Ruello Majolo, La Reale Marina di Napoli nel 1860-61, Napoli, ANN, 1992.
• Ruggiero Vitagliano Moccia, Giornale di bordo Milano, Mursia 1975.
• Antonio Zezon, Tipi Militari dei differenti Corpi che compongono il Real Esercito e l'Armata di Mare di S. M. il Re del Regno delle Due Sicilie per Antonio Zezon. Napoli 1850. (ristampa in serie limitata), Napoli, Bideri, 1970.

• Regno d''e Ddoje Sicilie
• Riale Esercito d''e Ddoje Sicilie

Chista è 'na vvoce ca fa parte dde articule 'n vitrina, zzo'è una dde migliore vvoce criate dda cummunetà.
Fuje ricanusciute 'o 31 'e majo 2014

Signala 'na vvoce          Archivio         Tutte ll'articule 'n vitrina