Amt Rodenborg

Dat Amt is in’n Noorden an dat Amt Zeven grenzt, in’n Noordoosten an dat Amt Horborg, in’n Oosten dat Amt Winsen, in’n Süüdoosten de Amtsvaagdie Fambossel-Soltau, in’n Süden dat Amt Rethen, in’n Süüdwesten dat Amt Veern, in’n Westen dat Amt Achem un in’n Noordwesten dat Amt Otterbarg (Stand 1848).

1848 weer dat Amt so 1069,49 km²^[1] groot.

1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Wersermünnen un direkt to Frankriek. Rodenborg weer in disse Tied de Seet von den Kanton Rodenborg. 1813 müssen de Franzosen dat Amt denn opgeven un de ole Stand is wedderkamen.

Öörd ahn egen Nummer hebbt to de Buurschop von dat Dörp mit bihöört, ünner dat se ünnerstaht, un weren dormit nich kumplett egenstännig.

Dat Amt Rodenborg is bi de Verwaltungs- un Justizreform an’n 1. Oktober 1852 in dat Königriek Hannover denn wedder ümbillt worrn. Von dat Amt Zeven hett dat de Öörd Helsch, Sootel un Stemmen tokregen un hett an dat Amt Snevern de Öörd Snevern, Langloh, Grotenwe, Häbe, Issell, Fintel, Schüllern, Sprengel, Lünzen, Wintemaur, Wessloh, Neenkerken, Behningen, Täwel, Schworgen, Jillhorn, Delsen, Jilbern, Grauen, Brochdörp un Woltern afgeven un an dat Amt Achem de Buurschoppen Stellsfellen un Wümmingen.

As Gericht för dat Amt is to’n 1. Oktober 1852 dat Amtsgericht Rodenborg inricht worrn.

1859 bi de nächste Verwaltungsreform is dat Kaspel Söttmer ut dat Amt Otterbarg Deel von dat Amt Rodenborg worrn.

Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Rodenborg tohöört.

Bi de Verwaltungsreform in Prüßen to’n 1. April 1885 is dat Amt Rodenborg oplööst worrn un dor is tohoop mit de Gemeen Fintel ut dat Amt Soltau de Kreis Rodenborg von worrn.

• 1720–1726: Thomas Achelis
• 1740–: Goert Bernhard Matthaei
• 1746–1775: Friedrich Conrad von Haerlem
• 1776–1811: Georg Hinrich Hintze
• 1811–1814: Besattertied ünner Napoleon: Kanton Rodenborg
• 1814–1835: Johann Ludolph Bansen
• 1835–1851: Johann Heinrich Christian Wehber
• 1851–1877: Rudolph August Wilhelm Hüpeden
• 1877–31. März 1885: Theodor Lueder

• –1754: Stamken
• ~1776: Johann Philipp Balck
• ~1784: Erich Justus Hartmann
• ~1785: Johann Friedrich Wiese
• ~1790: Adolph Erich Voigt
• 1790–: Johann Friedrich Nanne
• Georg Erich Hüpeden
• ~1803: Bernhard Heinrich Baumgarten

• Friedrich Tamß: Das hannoversche Amt Rotenburg im 18. Jahrhundert. Heimatbund Rotenburg/Wümme, Rodenborg 1958

1. ↑ ^{a b} Friedrich W. Harseim, C. Schlüter: Statistisches Handbuch für das Königreich Hannover. 1848, Sied 152: http://books.google.de/books?id=eOI-AAAAcAAJ&pg=PA152
2. ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 152: http://books.google.de/books?id=eOI-AAAAcAAJ&pg=PA152
3. ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 138: https://books.google.de/books?id=c24IAAAAQAAJ&pg=PA138
4. ↑ Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149